შემადგენლობა: ენტეროლი 250 კაფსულის შემცველობა: აქტიური ნივთიერება: საფუარა Saccharomyces boulardii CNCM I 745 (ლიოფილიზებული უჯრედები) 250 მგ. დამხმარე ნივთიერებები: ლაქოზის მონოჰიდრატი, მაგნიუმის სტეარატი.
გამოყენება: Saccharomyces boulardii CNCM I 745 პრობიოტიკია, რაც ნიშნავს, რომ ორგანიზმისთვის სასარგებლო მიკროორგანიზმია. ნაწლავური ფლორა შედგება მილიარდობით მიკროორგანიზმისგან. მისი ბალანსი საჭიროა საჭმლის მომნელებელი ტრაქტის (სმტ) ზოგიერთი ისეთი მნიშვნელოვანი ფუნქციის შენარჩუნებისთვის, როგორიცაა საჭმლის გადამუშავება, ინფექციური ნივთიერებების წინააღმდეგ ბრძოლა, იმუნური დაცვის სტიმულაცია და გაძლიერება. თუმცა ეს წონასწორობა სუსტია და შეიძლება დაირღვეს მრავალი ფაქტორით, როგორიცაა ვირუსით ან ბაქტერიით გამოწვეული ნაწლავური ინფექციები, ზოგიერთი პრეპარატით, მაგალითად, ანტიბიოტიკებით მკურნალობა; კვებითი ჩვევების ცვლილება, რომელმაც შეიძლება გამოწვიოს საჭმლის მონელების სხვადასხვა პრობლემები, როგორიცაა დიარეა. ენტეროლი 250 კაფსულები ნაწლავური ფლორის ე. წ. “ჩამნაცვლებელი ფლორა” პრეპარატია, რომელიც იძლევა ნაწლავური ფლორის გარდამავალი დისბალანსის კომპენსირების საშუალებას.
ჩვენება: - მწვავე დიარეული ინფექცია ბავშვებში და ზრდასრულ პაციენტებში; - მწვავე და ქრონიკული ენტერიტები და ენტეროკოლიტები; - ანტიბიოტიკით გამოწვეული დიარეის მკურნალობა და პრევენცია;ვანკომიცინი/მეტრონიდაზოლი მკურნალობის დანამატის სახით Clostridium difficile დაავადებების რეციდივების პროფილაქტიკა; - ნაწლავური დისბაქტერიოზი; - გაღიზიანებული ნაწლავის სინდრომი; - ზონდით ხანგრძლივ კვებასთან დაკავშირებული დიარეა.
უკუჩვენება: ენტეროლი 250, კაფსულების მიღება არ შეიძლება შემდეგ შემთხვევებში: - ალერგია Saccharomyces boulardii CNCM I 745 ან პრეპარტის სხვა რომელიმე ინგერდიენტის მიმართ (ჩამოთვლილია შემადგენლობაში); - ცენტრალური ვენური კათეტერიზაციისას (იხილეთ სიფრთხილის ზომები); - დასუსტებული იმუნიტეტის მქონე ან ჰოსპიტალიზებული პაციენტები (სერიოზული დაავადებით ან შეცვლილი/დასუსტებული იმუნური სისტემით).
ორსულობა და ლაქტაცია: საკმარისი მონაცემების არ არსებობის გამო მოცემული პრეპარატის მიღება რეკომენდებული არ არის ორსულობის დროს. გამოყენების ნორმალურ პირობებში, შეიძლება ამ პრეპარატის მიღება ლაქტაციის დროს. თუ ხართ ორსულად ან ლაქტაციის პერიოდში, ფიქრობთ რომ ხართ ორსულად ან გეგმვათ ბავშვის გაჩენას, პრეპარატის მიღებამდე კონსულტაციისთვის მიმართეთ ექიმს ან ფარმაცევტს.
მიღების წესი და დოზირება: მოზრდილები და 6 წელზე უფროსი ასაკის ბავშვები: 1-2 კაფსულა 1-2-ჯერ დღეში. 6 წლამდე ასაკის ბავშვებში გამოიყენება ორალური სუსპენზიის მოსამზადებელი ფხვნილი, რომელიც უფრო მეტად ადაპტირებულია პატარა ბავშვებისთვის.
მკურნალობის რეკომენდებული პერიოდი: მწვავე დიარეის მკურნალობა: 3-5 დღე; დისბაქტერიოზის, ქრონიკული დიარეის, გაღიზიანებული ნაწლავის სინდრომის მკურნალობა: 10-14 დღე; ანტიბიოტიკ-ასოცირებული დიარეის და ფსევდომემბრანული კოლიტის პრევენცია და მკურნალობა: ენტეროლი 250 კაფსულები მიიღება ანტიბიოტიკებთან ერთად დღეში 2 კაფსულა, ანტიბიოტიკების პირველი მიღებიდან მოყოლებული. პრეპარატა ყოველთვის გამოიყენეთ ზუსტად ისე, როგორც ეს აღწერილია თანმხლებ ინფორმაციაში ან როგორც დაგინიშნათ ექიმმა ან ფარმაცევტმა. გადაამოწმეთ თქვენს ექიმთან თუ რაიმეში დარწმუნებული არ ხართ.
მიღების წესი და გზა; ორალური კაფსულების მიღება ხდება ჭიქა წყალთან ერთად. 6 წლამდე ასაკის ბავშვებში კაფსულის მიღება რეკომენდებული არ არის ფარმაცევტული ფორმის გამო.
შენახვის წესი: ეს წამალი ინახება ბავშვებისთვის უხილავ და მიუწვდომელ ადგილზე. ინახება სინათლისგან დაცულ ადგილზე, არა უმეტეს 25C ტემპერატურაზე.
