ყველა კატეგორია
ალბუმინი გამოიყენება მოცირკულირე სისხლის მოცულობის აღსადგენად და შესანარჩუნებლად, როდესაც აღინიშნება მოცულობის დეფიციტი.
აქტიური სუბსტანცია არის 200 გ/ლ ადამიანის ალბუმინი, წარმოებული ადამიანის პლაზმიდან (50, 100 მლ ბოთლი).
სხვა ინგრედიენტებია ნატრიუმის ქლორიდი, N-აცეტილ-DL-ტრიპტოფანი, კაპრილის მჟავა და საინექციო წყალი.
ალბუნორმი 20% მიეკუთვნება ფარმაცევტულ ჯგუფს: სისხლის შემცვლელები და პლაზმის პროტეინის ფრაქციები.
პროდუქტი გამოიყენება მოცირკულირე სისხლის მოცულობის აღსადგენად და შესანარჩუნებლად, როდესაც აღინიშნება მოცულობის დეფიციტი.
ადამიანის ალბუმინი არის ადამიანის სისხლის შემადგენელი ჩვეულებრივი კომპონენტი. ორსულობის ან ძუძუთი კვების დროს ამ პროდუქტის გამოყენებისას ცნობილი არ არის განვითარებული მავნე ეფექტების შესახებ. განსაკუთრებული სიფრთხილეა საჭირო ორსულ ქალებში სისხლის მოცულობის კორექციისათვის.
ნებისმიერი პრეპარატის მიღების წინ რჩევა ჰკითხეთ თქვენს ექიმს.
არ არსებობს ცნობები, რომ ადამიანის ალბუმინი იწვევს ავტომობილის და მექანიზმების მართვის უნარის შეფერხებას.
ალბუნორმი 20% მზადაა გამოსაყენებლად ვენაში საინფუზიოდ ("წვეთოვანი") სახით. დოზა და ინფუზიის სიჩქარე (რამდენად სწრაფად შეჰყავთ ალბუმინი ვენაში) დამოკიდებული იქნება თქვენს კონკრეტულ მდგომარეობაზე. თქვენი ექიმი გადაწყვეტს, რომელი მკურნალობაა თქვენთვის საუკეთესო.
ინსტრუქციები:
თუ გამოიყენეთ იმაზე მეტი ალბუნორმი 20%, ვიდრე საჭირო იყო
თუ დოზირება და ინფუზიის სიჩქარე ძალიან მაღალია, შეიძლება განვითარდეს თავის ტკივილი, მაღალი არტერიული წნევა და დისკომფორტი სუნთქვისას. ინფუზია დაუყოვნებლივ უნდა შეწყდეს და ექიმი გადაწყვეტს სხვა მკურნალობის დანიშვნის აუცილებლობას.
შეინახეთ ეს პრეპარატი ბავშვებისთვის მიუწვდომელ და უხილავ ადგილზე.
არ შეინახოთ 25°C-ზე მაღალ ტემპერატურაზე. შეინახეთ ორიგინალურ შეფუთვაში, სინათლისაგან დაცვის მიზნით. არ გაყინოთ.
საინფუზიო კონტეინერის გახსნის შემდეგ მისი შემცველობა დაუყოვნებლივ უნდა იქნას გამოყენებული.
ხსნარი უნდა იყოს გამჭვირვალე ან ოდნავ გაუმჭვირვალე. არ გამოიყენოთ შემღვრეული და ნალექის მქონე ხსნარები.
