ფურაგინი ტაბლეტი 50მგ #30

საერთაშორისო დასახელება: Furazidinum

ფარმაკოლოგიური ჯგუფი: ნიტროფურანის ნაწარმები

შემადგენლობა:
ერთი ტაბლეტი შეიცავს 50 მგ ფურაგინს (Furaginum). დამხმარე ნივთიერებები: ლაქტოზა, კარტოფილის სახამებელი, შაქარი, პოლისორბატ 80, სტეარინის მჟავა.

ჩვენებები:
გამოიყენება შარდგამომყოფი გზების მწვავე და ქრონიკული ინფექციების დროს: პიელონეფრიტი, ცისტიტი, პროსტატიტი, ურეთრიტი. ასევე შარდსასქესო სისტემის ოპერაციისშემდგომი ინფექციების პროფილაქტიკისა და მკურნალობისთვის.

მიღების წესი და დოზირება:
მიიღება პერორალურად, ჭამის შემდეგ, დიდი რაოდენობით სითხის მიყოლებით.
მოზრდილებში: 100–200 მგ (2–4 ტაბლეტი) 2–3-ჯერ დღეში. მკურნალობის კურსი ჩვეულებრივ შეადგენს 7–10 დღეს.
ბავშვებში დოზა განისაზღვრება ექიმის მიერ (5–8 მგ/კგ დღეში).

უკუჩვენებები:
მომატებული მგრძნობელობა ფურაგინის ან ნიტროფურანის ჯგუფის პრეპარატების მიმართ; თირკმლის მძიმე უკმარისობა; პოლინევროპათია; გლუკოზო-6-ფოსფატდეჰიდროგენაზას დეფიციტი; ორსულობა და ლაქტაცია; 1 თვემდე ასაკის ბავშვები.

გვერდითი მოვლენები:
შესაძლებელია გულისრევა, ღებინება, დიარეა, თავბრუსხვევა, ძილიანობა, ალერგიული რეაქციები, კანის გამონაყარი, ქავილი. იშვიათად — ნერვული სისტემის დარღვევები და ღვიძლის ფუნქციის ცვლილებები.

შენიშვნა:
გვერდითი მოვლენების განვითარების შემთხვევაში საჭიროა ექიმთან კონსულტაცია. პრეპარატმა შესაძლოა შარდს მისცეს ყავისფერი შეფერილობა.