ტობრექსი მალამო თვალის 0.3% 3.5გრ ტუბი #1

საერთაშორისო დასახელება:
Tobramycin

კლინიკურ-ფარმაკოლოგიური ჯგუფი:
ოფთალმოლოგია → ბაქტერიების საწინააღმდეგო საშუალებები ადგილობრივი გამოყენებისათვის → ანტიბიოტიკები

კლინიკურ-ფარმაკოლოგიური ჯგუფი:
ამინოგლიკოზიდების ჯგუფის ანტიბაქტერიული პრეპარატი ადგილობრივი გამოყენებისათვის ოფთალმოლოგიაში.

შემადგენლობა და გამოშვების ფორმა:

თვალის წვეთები 0.3%
ფლაკონი – 5 მლ

1 მლ შეიცავს:

• ტობრამიცინი — 3 მგ

დამცავი ნივთიერებები:

• ბენზალკონიუმის ქლორიდი — 0.01%

დამხმარე ნივთიერებები:

• ნეიტრალური საფუძველი
• გამოხდილი წყალი

თვალის მალამო 0.3%
ტუბი – 3.5 გ

1 გ შეიცავს:

• ტობრამიცინი — 3 მგ

დამცავი და დამხმარე ნივთიერებები:

• ქლორბუტანოლი — 0.5%
• მინერალური ზეთი
• ვაზელინის ფუძე

ჩვენებები:

• მედიკამენტის მიმართ მგრძნობიარე ბაქტერიებით გამოწვეული თვალის დაავადებები.

• პრეპარატის გამოყენებას თან უნდა ახლდეს შესაბამისი დაკვირვება ბაქტერიათა მგრძნობელობაზე.

• კლინიკური კვლევებით დადასტურდა, რომ ტობრამიცინის გამოყენება ბავშვებში უსაფრთხო და ეფექტურია.

მიღების წესი და დოზირება:

ხსნარი

მსუბუქი და საშუალო სიმძიმის დაავადებები:

• 1–2 წვეთი დაზიანებულ თვალში (ან ორივე თვალში) ყოველ 4 საათში ერთხელ.

მძიმე ინფექციური დაავადებები:

• 2 წვეთი ყოველ საათში ერთხელ მდგომარეობის გაუმჯობესებამდე, რის შემდეგაც დოზა თანდათანობით უნდა შემცირდეს სრულ შეწყვეტამდე.

მალამო

მსუბუქი და საშუალო სიმძიმის დაავადებები:

• მალამო უნდა წაისვათ დაზიანებულ თვალში (ან ორივე თვალში) 2–3-ჯერ დღეში.

მძიმე ინფექციური დაავადებები:

• მალამო გამოიყენება დაზიანებულ თვალში (ან ორივე თვალში) ყოველ 3–4 საათში ერთხელ მდგომარეობის გაუმჯობესებამდე, რის შემდეგაც დოზა თანდათანობით უნდა შემცირდეს სრულ შეწყვეტამდე.

• მალამოსა და წვეთების გამოყენება შესაძლებელია ერთად.

გვერდითი მოვლენები:

• ყველაზე გავრცელებული არასასურველი რეაქციაა თვალის ადგილობრივი ჰიპერმგრძნობელობა, რომელიც ვლინდება ქუთუთოს ჰიპერემიითა და შეშუპებით, აგრეთვე კონიუნქტივის ერითემით.

• მსგავსი რეაქციები შეიძლება განვითარდეს სხვა ამინოგლიკოზიდური ანტიბიოტიკების გამოყენების დროსაც.

• ტობრექსის გამოყენებისას სხვა მნიშვნელოვანი გვერდითი მოვლენები არ აღინიშნება.

• სხვა ამინოგლიკოზიდების სისტემური გამოყენების შემთხვევაში საჭიროა მათი კონცენტრაციის კონტროლი სისხლის პლაზმაში.

• კლინიკური კვლევების მიხედვით, ტობრექსის ოფთალმოლოგიური მალამო გვერდით მოვლენებს იწვევს ნაკლებ პაციენტში (3.7%), ვიდრე გენტამიცინის ოფთალმოლოგიური მალამო (10.6%).

უკუჩვენებები:

• მომატებული მგრძნობელობა პრეპარატის ნებისმიერი შემადგენელი კომპონენტის მიმართ.

ორსულობა და ლაქტაცია:

• ცხოველებზე ჩატარებულმა კვლევებმა არ დაადასტურა პრეპარატის ტერატოგენული მოქმედება.

• ორსულობის პერიოდში ინიშნება მხოლოდ განსაკუთრებული აუცილებლობის შემთხვევაში.