ანგინოვაგის ორალური სპრეი ანგინის, ფარინგიტისა და ლარინგიტის დროს გამოიყენება. ამცირებს ყელის ტკივილს და ანთებას. გაეცანი ინსტრუქციას.
შემადგენლობა
ყოველი 100 მლ შეიცავს:
ბეტა-გლუკურეთინის მჟავას — 60 მგ;
დექვალინიუმის ქლორიდს — 100 მგ;
ტიროტრიცინს — 400 მგ;
ჰიდროკორტიზონის აცეტატს — 60 მგ;
ლიდოკაინის ჰიდროქლორიდს — 100 მგ;
ნატრიუმის სახარინს — 100 მგ.
ფარმაკოლოგიური თვისებები
ანგინოვაგის აქტიური ფორმულა ავლენს ანთების საწინააღმდეგო, ანალგეზიურ და ანტიბიოტიკურ მოქმედებას. იგი წარმოდგენილია სარქვლიანი სპრეის სახით და გამოიყენება ოროფარინგეალური დაზიანებების პრევენციისა და მკურნალობისთვის.
ჩვენებები
ოროფარინგეალური პათოლოგიების, მათ შორის ამიგდალიტის, ფარინგიტის, ლარინგიტის, სტომატიტის, აფთოზური წყლულებისა და გლოსიტის პროფილაქტიკა და მკურნალობა.
მიღების წესები და დოზები
დარტყმითი დოზა: 1–2 ინჰალაცია ყოველ 2–3 საათში.
დამხმარე ან პროფილაქტიკური დოზა: 1 ინჰალაცია ყოველ 6 საათში.
გვერდითი მოვლენები
ცნობილი არ არის.
უკუჩვენებები
ცნობილი არ არის.
ორსულობა და ლაქტაცია
გამოყენება შესაძლებელია.
განსაკუთრებული მითითებები
სწორად გამოყენებისთვის რეკომენდებულია ბოთლის ვერტიკალურად მოთავსება და კანულის საინჰალაციო ადგილისკენ მიმართვა. არ არის რეკომენდებული კანულის პირის ღრუში მოთავსება. ხუფის ზედა ნაწილს უნდა დავაჭიროთ ბუფერის გამოყენებით, ზემოდან ქვემოთ მიმართულებით.
ჭარბი დოზირება
პრეპარატის დაბალი ტოქსიკურობის გამო ჭარბი დოზირების შემთხვევაშიც კი ტოქსიკურობის სიმპტომების გამოვლენა მოსალოდნელი არ არის.
სხვა წამლებთან ურთიერთქმედება
ცნობილი არ არის.
შენახვის პირობები და ვადა
შეინახეთ ბავშვებისთვის მიუწვდომელ ადგილას.
