მონტეკრიტ 90
ეტორიკოქსიბი
გარსიანი ტაბლეტები
პერორალური გამოყენება
შემადგენლობა:
მონტეკრიტ 90 -ის თითოეული გარსიანი ტაბლეტი შეიცავს:
ეტორიკოქსიბი 90.0 მგ. დამხმარე ნივთიერებები: მიკროკრისტალური ცელულოზა 105.0 მგ, ლაქტოზას მონოჰიდრატი 100.5 მგ, ნატრიუმის კროსკარმელოზა 4.5 მგ, კალციუმის დიბაზური ფოსფატი 6.0 მგ, მაგნიუმის სტეარატი 9.0 მგ, რკინის წითელი ოქსიდი 1.0 მგ, LAY AQ P50204P 9.0 მგ.

ჩვენებები და გამოყენება
ეტორიკოქსიბი არის COX-2-ის (ციკლოოქსიგენაზა 2) სელექციური ინჰიბიტორი, რომელიც ნაჩვენებია ოსტეოართრიტის (OA, 30-60 მგ დღეში ერთჯერ (od)), რევმატოიდული ართრიტის (RA, 90 მგ od) და მწვავე პოდაგრულ ართრიტთან (120 მგ od) დაკავშირებული ტკივილისა და ანთების ნიშნების სიმპტომური შემსუბუქებისათვის.
კლინიკური ფარმაკოლოგია

ფარმაკოთერაპიული ჯგუფი: ანთების საწინააღმდეგო და ანტირევმატული პროდუქტები, არასტეროიდები, კოქსიბები,
დოზირება და გამოყენება
ეტორიკოქსიბი გამოიყენება პერორალურად და შეიძლება მიღებულ იქნას საკვებთან ერთად ან მის გარეშე. საკვების გარეშე მიღებისას სამკურნალო პროდუქტის ეფექტის დაწყება შეიძლება მოხდეს უფრო სწრაფად. ეს უნდა იქნას გათვალისწინებული, როდესაც საჭიროა სწრაფი სიმპტომური შემსუბუქება.

რადგანაც ეტორიკოქსიბის კარდიოვასკულური რისკები შეიძლება გაიზარდოს დოზისა და ზემოქმედების ხანგრძლივობასთან ერთად, ის უნდა იქნას გამოყენებული რაც შეიძლება მოკლე ხანგრძლივობით და ყველაზე დაბალი ეფექტური დღიური დოზით. პერიოდულად განმეორებით უნდა შეფასდეს პაციენტის საჭიროება სიმპტომურ შემსუბუქებაზე და თერაპიაზე პასუხი, განსაკუთრებით ოსტეოართრიტის მქონე პაციენტებში.
ოსტეოართრიტი:

რეკომენდებული დოზაა 30 მგ დღეში ერთჯერ. ზოგიერთ პაციენტში სიმპტომების არასაკმარისი შემსუბუქებისას, დოზის გაზრდამ 60 მგ-მდე დღეში ერთხელ შეიძლება გაზარდოს ეფექტურობა. თერაპიული სარგებელის გაზრდის არარსებობის შემთხვევაში, სხვა თერაპიული ვარიანტები უნდა იქნას გათვალისწინებული.

რევმატოიდული ართრიტი:
რეკომენდებული დოზაა 90 მგ დღეში ერთჯერ.

მწვავე პოდაგრული ართრიტი
რეკომენდებული დოზაა 120 მგ ერთხელ დღეში. ეტორიკოქსიბი 120 მგ უნდა იქნას გამოყენებული მხოლოდ მწვავე სიმპტომური პერიოდისთვის. მწვავე პოდაგრული ართრიტის კლინიკურ კვლევებში ეტორიკოქსიბს აძლევდნენ 8 დღის განმავლობაში.

მაანკილოზებელი სპონდილიტი
რეკომენდებული დოზაა 90 მგ დღეში ერთჯერ. თითოეული ჩვენებისათვის რეკომენდებულ დოზებზე მეტი დოზა ან არ ავლენს დამატებით ეფექტურობას ან არ არის შესწავლილი. აქედან გამომდინარე: OA– სთვის დოზა არ უნდა აღემატებოდეს 60 მგ-ს დღეში.

RA და მაანკილოზებელი სპონდილიტისათვის დოზა არ უნდა აღემატებოდეს 90 მგ-ს დღეში. მწვავე პოდაგრისათვის დოზა არ უნდა აღემატებოდეს 120 მგ-ს დღეში, მკურნალობა შემოიფარგლება მაქსიმუმ 8 დღიანი პერიოდით.

ხანდაზმულები
ხანდაზმულ პაციენტებში დოზის კორექცია საჭირო არ არის. სხვა პრეპარატების მსგავსად, ხანდაზმულ პაციენტებში საჭიროა სიფრთხილე.

ღვიძლის უკმარისობა
ჩვენების მიუხედავად, ღვიძლის მსუბუქი დისფუნქციის მქონე პაციენტებში (ჩაილდ-პიუს ქულა 5-6) დოზა არ უნდა აღემატებოდეს 60 მგ-ს დღეში ერთჯერ. ღვიძლის ზომიერი დისფუნქციის მქონე პაციენტებში (ჩაილდ-პიუს ქულა 7-9), ჩვენების მიუხედავად, დოზა არ უნდა აღემატებოდეს 60 მგ-ს დღეგამოშვებით; ასევე შეიძლება მიზანშეწონილად ჩაითვალოს 30 მგ-ის დღეში ერთჯერ მიღება. კლინიკური გამოცდილება კერძოდ ღვიძლის ზომიერი დისფუნქციის მქონე პაციენტებში შეზღუდულია და რეკომენდებულია სიფრთხილე. არ არსებობს კლინიკური გამოცდილება ღვიძლის მძიმე დისფუნქციის მქონე პაციენტებში (ჩაილდ-პიუს ქულა ≥10); ამიტომ, მისი გამოყენება ამ პაციენტებში უკუნაჩვენებია.

თირკმლის უკმარისობა
პაციენტებისთვის კრეატინინის კლირენსით ≥30 მლ/წთ დოზის კორექცია საჭირო არ არის. ეტორიკოქსიბის გამოყენება პაციენტებში კრეატინინის კლირენსთ <30 მლ/წთ უკუნაჩვენებია.
პედიატრიული პაციენტები
ეტორიკოქსიბი უკუნაჩვენებია ბავშვებში და 16 წლამდე მოზარდებში