საერთაშორისო დასახელება - procaine
კლინიკურ-ფარმაკოლოგიური ჯგუფი: ანალგეზიური საშუალებები → ანალგეზიური და ადგილობრივი გამაღიზიანებელი საშუალებები
შემადგენლობა და გამოშვების ფორმა

საინიექციო ხსნარის 1 მლ შეიცავს:
ნოვოკაინს _ 0.005 გ-ს.
დამხმარე ნივთიერებები: ქლორწყალბადმჟავას 0.1 M ხსნარი pН 3.8_4.5- მდე, საინიექციო წყალი.

ჩვენებები
ინფილტრაციური და გამტარი ანესთეზია; ვაგოსიმპათიკური და პარანეფრალური ბლოკადა; ზოგადი საანესთეზიო საშუალებების მოქმედების პოტენცირება; პარენტერულად შესაყვანი პრეპარატების (მაგ., ანტიბიოტიკების) გასახსნელად.
დამხმარე საშუალების სახით სხვადასხვა დაავადებების დროს (ჰიპერტონული დაავადება, ორსულთა გვიანი ტოქსიკოზი ჰიპერტონული სინდრომით, სისხლძარღვთა სპაზმი, ფანტომური ტკივილი, კუჭისა და თორმეტგოჯა ნაწლავის წყლულოვანი დაავადება, არასპეციფიკური წყლულოვანი კოლიტი, ქავილი, ეგზემა, კერატიტი, გლაუკომა და სხვა).
მიღების წესები და დოზები
ვენაში ინიშნება 1_15 მლ 0.5% ხსნარი. ხსნარი შეჰყავთ ნელა. ვენაში შეყვანისას სასურველია ნოვოკაინის ხსნარი ნატრიუმის ქლორიდის იზოტონურ ხსნარში გაიხსნას. ინიექციების რაოდენობა დამოკიდებულია დაავადების სიმძიმის ხარისხსა და მკურნალობის ეფექტურობაზე.
პერორალურად ინიშნება 30_50 მლ 0.5% ხსნარი 2_3-ჯერ დღეში.
0.5% ხსნარის კანში ინიექცია გამოიყენება ცირკულარული და პარავერტებრული ბლოკადისათვის ეგზემის, ნეიროდერმიტების, იშიაზის და სხვა დროს.

გვერდითი მოვლენები
თავბრუხვევა, საერთო სისუსტე, არტერიული წნევის დაქვეითება, კოლაფსი, ალერგიული რეაქციები (დერმატიტი, კანის აქერცვლა და სხვა), შესაძლებელია ანაფილაქსიური შოკის განვითარება.

უკუჩვენება
მომატებული მგრძნობელობა პროკაინის მიმართ.

ორსულობა და ლაქტაცია
ორსულობის დროს და ძუძუთი კვების პერიოდში პრეპარატის გამოყენება შესაძლებელია იმ შემთხვევაში, როდესაც დედისათვის მოსალოდნელი სარგებელი მკვეთრად სჭარბობს ნაყოფზე ან ახალშობილზე მოსალოდნელი უარყოფითი მოქმედების პოტენციურ რისკს.

განსაკუთრებული მითითებები
გამოყენების წინ აუცილებელია სინჯის ჩატარება პრეპარატის მიმართ ინდივიდუალური მგრძნობელობის დასადგენად.
მკურნალობის პერიოდში საჭიროა გულ-სისხძარღვთა, სასუნთქი და ცენტრალური ნერვული სისტემების ფუნქციების კონტროლი
გასათვალისწინებელია, რომ ადგილობრივი ანესთეზიის დროს ერთი და იმავე საერთო დოზის გამოყენებისას ნოვოკაინის ტოქსიკურობა მით უფრო მაღალია, რაც უფრო კონცენტრირებულია გამოყენებული ხსნარი.
დაუზიანებელი ლორწოვანი გარსის ზედაპირიდან ნოვოკაინი ნელა შეიწოვება, რის გამოც იგი ნაკლებად ეფექტურია ზედაპირული ანესთეზიისთვის.
პრეპარატის ზემოქმედება ავტოტრანსპორტისა და მექანიზმების მართვის უნარზე: მკურნალობის პერიოდში საჭიროა თავის არიდება ავტოტრანსპორტის მართვისა და პოტენციურად საშიში ქმედებებისაგან, რომლებიც ყურადღების მომატებულ კონცენტრაციასა და სწრაფ ფსიქომოტორულ რეაქციას მოითხოვს.