სიტადიაბ მეტი

შემადგენლობა
სიტადიაბ მეტი 50 მგ/ 850 მგ
თითოეული აპკიანი გარსით დაფარული ტაბლეტი შეიცავს:
აქტიური ნივთიერებები : სიტაგლიპტინის ჰიდროქლორიდის მონოჰიდრატი 56,6864 მგ (შეესაბამება სიტაგლიპტინის ფუძის 50 მგ), მეტფორმინის ჰიდროქლორიდი 850 მგ (შეესაბამება მეტფორმინის 660 მგ) თითოეულ აპკიანი გარსით დაფარულ ტაბლეტში;
დამხმარე ნივთიერებები : მიკროკრისტალური ცელულოზა, ტიპი 101; პოვიდონი-K29-32; ნატრიუმის სტეარილ ფუმარატი; ნატრიუმის ლაურილსულფატი.
ტაბლეტის გარსი: ოპადრაი II 85F94182 ვარდისფერი (ნაწილობრივ ჰიდროლიზებული პოლივინილის სპირტი (E1203), მაკროგოლი-3350 (E1521), ტალკი (E553b), ტიტანის დიოქსიდი (E171), საღებავი რკინის ოქსიდი წითელი (E172), საღებავი რკინის ოქსიდი შავი (E172).

გამოყენების ჩვენებები
ტიპი 2 შაქრიანი დიაბეტი მოზრდილ პაციენტებში:
პრეპარატი სიტადიაბ მეტი ნაჩვენებია გლიკემიური კონტროლის გასაუმჯობესებლად, როგორც დიეტისა და ფიზიკური დატვირთვის რეჟიმზე დამატება პაციენტებში, რომლებმაც ვერ მიაღწიეს ადეკვატურ გლიკემიურ კონტროლს მეტფორმინით მონოთერაპიის ფონზე მაქსიმალური ასატანი დოზით, და ასევე პაციენტებში, რომლებიც იღებენ კომბინირებულ თერაპიას მეტფორმინით და სიტაგლიპტინით.
პრეპარატი სიტადიაბ მეტი ნაჩვენებია, როგორც დიეტისა და ფიზიკური დატვირთვის რეჟიმზე დამატება სულფონილშარდოვანას წარმოებულთან კომბინაციაში, როგორც სამკომპონენტიანი თერაპიის ნაწილი, პაციენტებში, რომლებიც ადრე იღებდნენ კომბინირებულ თერაპიას მეტფორმინის მაქსიმალური ასატანი დოზით და სულფონილშარდოვანას წარმოებულით ადეკვატური გლიკემიური კონტროლის მიღწევის გარეშე .
პრეპარატი სიტადიაბ მეტი ნაჩვენებია დიეტისა და ფიზიკური დატვირთვის რეჟიმზე დამატების სახით, როგორც სამკომპონენტიანი თერაპიის ნაწილი გამა-რეცეპტორების აგონისტებთან კომბინაციაში, რომლებიც აქტივირებულია პეროქსისომ- PPAR-γ (თიაზოლიდინდიონით) პროლიფერატორების მიერ, პაციენტებში, რომლებიც ადრე იღებდნენ კომბინირებულ თერაპიას მეტფორმინის მაქსიმალურად ასატანი დოზით და PPAR-γ-ის აგონისტით ადეკვატური გლიკემიური კონტროლის მიღწევის გარეშე.
პრეპარატი სიტადიაბ მეტი ასევე ნაჩვენებია გლიკემიური კონტროლის გასაუმჯობესებლად, როგორც დიეტისა და ფიზიკური დატვირთვის რეჟიმზე დამატება ინსულინთან კომბინაციაში როგორც სამკომპონენტიანი თერაპიის ნაწილი პაციენტებში, რომლებიც ადრე იღებდნენ თერაპიას ინსულინის და მეტფორმინის სტაბილური დოზებით ადეკვატური გლიკემიური კონტროლის მიღწევის გარეშე.

უკუჩვენებები
პრეპარატი სიტადიაბ მეტი უკუნაჩვენებია პაციენტებში:
- მომატებული მგრძნობელობით აქტიური ნივთიერების ან ნებისმიერი დამხმარე ნივთიერების მიმართ (იხ. განყოფილებები „სიფრთხილის ზომები“ და „გვერდითი მოქმედება“);
- მწვავე მეტაბოლური აციდოზით (მაგალითად, ლაქტოაციდოზი, დიაბეტური კეტოაციდოზი);
- დიაბეტური პრეკომით;
- თირკმელების ფუნქციის მძიმე ხარისხის დარღვევებით (გფს < 30 მლ/წთ/1,73 მ2 ) (იხ. ნაწილი „სიფრთხილის ზომები“);
- მწვავე მდგომარეობებით, რომლებიც მიმდინარეობს თირკმლის ფუნქციის დარღვევების განვითარების რისკით:
- დეჰიდრატაცია,
- მძიმე ინფექციური დაავადებები,
- შოკი,
- იოდისშემცველი კონტრასტული საშუალებების ინტრავასკულარული შეყვანა (იხ. ნაწილი „სიფრთხილის ზომები“);
- მწვავე და ქრონიკული დაავადებებით, რომლებმაც შეიძლება გამოიწვიოს ქსოვილური ჰიპოქსიის განვითარება:
- გულის ან სუნთქვის უკმარისობა,
- ახლახანს გადატანილი მიოკარდიუმის ინფარქტი,
- შოკი;
- ღვიძლის უკმარისობით,
- მწვავე ალკოჰოლური ინტოქსიკაციით, ალკოჰოლიზმით,
- ძუძუთი კვების პერიოდში.

დოზირების რეჟიმი
პრეპარატ სიტადიაბ მეტ-ის დოზირების რეჟიმი ჰიპოგლიკემიური თერაპიისთვის უნდა შეირჩეს ინდივიდუალურად, მკურნალობის მიმდინარე სქემიდან, ეფექტიანობიდან და ამტანობიდან გამომდინარე და არ უნდა აღემატებოდეს მაქსიმალურ რეკომენდებულ სადღეღამისო დოზას სიტაგლიპტინის 100 მგ ოდენობით.

გამოყენების წესი
შიგნით მისაღებად. პრეპარატი სიტადიაბ მეტი უნდა იქნას მიღებული დღეში ორჯერ საკვების მიღების დროს, რათა მინიმუმამდე შემცირდეს არასასურველი რეაქციების რისკი კუჭ-ნაწლავის მხრივ, რომელიც დამახასიათებელია მეტფორმინისათვის.

შენახვის პირობები
ინახება არაუმეტეს 30 C ტემპერატურაზე.
შეინახეთ ბავშვებისათვის მიუწვდომელ ადგილზე.