კონკორ კორ ტაბლეტი 2.5მგ #30

საერთაშორისო დასახელება

ბისოპროლოლი

დასახელება

კონკორ კორი

შემადგენლობა

მოქმედი ნივთიერება: ბისოპროლოლის ფუმარატი – 2.5 მგ, 5 მგ, 10 მგ.

კლინიკურ-ფარმაკოლოგიური ჯგუფი

სელექტიური ბეტა1-ადრენობლოკატორი.

ჩვენებები

• არტერიული ჰიპერტენზია;
• გულის იშემიური დაავადება (სტენოკარდია);
• გულის ქრონიკული უკმარისობა.

მიღების წესი და დოზირება

პრეპარატის დოზის შერჩევა ხდება ინდივიდუალურად, მკურნალობის ეფექტურობისა და პულსის სიხშირის გათვალისწინებით.

პაციენტებში არტერიული ჰიპერტენზიითა და გულის იშემიური დაავადებით ინიშნება დღიური დოზა 2.5–10 მგ, დღეში ერთხელ. საწყისი დოზა შეადგენს 2.5 მგ-ს დღეში ერთხელ.

დოზის მატება ხდება თანდათანობით, ტიტრაციის მეთოდით.

პაციენტები ღვიძლის ან თირკმლის ფუნქციების დარღვევით (მსუბუქი და საშუალო სიმძიმის), ასევე ხანდაზმული პაციენტები დოზის კორექციას არ საჭიროებენ.

უკუჩვენებები

• კარდიოგენული შოკი;
• II და III ხარისხის AV გამტარობის დარღვევა;
• სინუსური კვანძის სისუსტის სინდრომი;
• სინოატრიალური ბლოკადა;
• ბრადიკარდია (პულსი წუთში 50 დარტყმაზე ნაკლები);
• არტერიული ჰიპოტენზია (სისტოლური არტერიული წნევა ნაკლები 90 მმ.ვწყ. სვ.);
• ბრონქოსპაზმისადმი მიდრეკილება (ბრონქული ასთმა და ბრონქოობსტრუქციული სინდრომით მიმდინარე დაავადებები);
• პერიფერიული სისხლის მიმოქცევის გამოხატული დარღვევები;
• მაო-ს ინჰიბიტორების ერთდროული მიღება (გარდა მაო-B ინჰიბიტორებისა);
• ბისოპროლოლისა და ბეტა-ადრენობლოკატორების მიმართ მაღალი მგრძნობელობა.

გულის ქრონიკული უკმარისობის მქონე პაციენტებში პრეპარატი არ ინიშნება გულის უკმარისობის გამწვავების ან დეკომპენსაციის ფაზაში, როდესაც საჭირო ხდება ინოტროპული პრეპარატების ინტრავენური შეყვანა; ასევე ბრადიკარდიის (პულსი წუთში 60 დარტყმაზე ნაკლები) და ჰიპოტენზიის დროს.

შენახვის პირობები

პრეპარატი ინახება 10–25°C ტემპერატურაზე, სინათლისაგან დაცულ, მშრალ, ბავშვებისათვის მიუწვდომელ ადგილას.

ვარგისიანობის ვადა

3 წელი.

აფთიაქიდან გაცემის პირობები

პრეპარატი გაიცემა ექიმის რეცეპტით.