ადენიტ ფორტე ლიოფილიზატი საინექციო ხსნარის მოსამზადებლად

შემადგენლობა:

​აქტიური ნივთიერებები:
თითო ფლაკონი შეიცავს 10.00 მგ ადენოზინ დინატრიუმ ტრიფოსფატს, 50.00 მგ კოკარბოქსილაზას ქლორიდს, 20.00 მგ ნიკოტინამიდს, 500 მკგ ციანოკოლბალამინს.

ჩვენება:

ადენიტ ფორტე გამოიყენება შემდეგი დაავადებების სამკურნალოდ:

• დიაბეტის ფონზე განვითარებული დიაბეტური ნეიროპათია და პერნიციოზული ანემია;
  
• სხვადასხვა ტიპის ნევრალგია;
  
• გულის იშემიური დაავადება, მიოკარდიტი და მიოკარდიოპათია;
  
• იშიაზი, ტკივილი საჯდომი ნერვის გასწვრივ;
  
• მიალგია და ლუმბაგო;
  
• ბურსიტი და ტენდინიტი;
  
• რეინოს დაავადება;
• B1, B12, B3 ვიტამინების დეფიციტი.

დოზირება:

​ადენიტ ფორტეს სადღეღამისო დოზაა 1 ფლაკონი ლიოფილიზირებული ფხვნილი გამხსნელთან ერთად კუნთში შესაყვანად.

გამოყენების წესი და შეყვანის გზა:
2 მლ 0.5% ლიდოკაინის ჰიდროქლორიდი შეყავთ ლიოფილიზირებული ფხვნილის შემცველ ფლაკონში და შეანჯღრევენ. ფხვნილი იხსნება 0.5% ლიდოკაინის ჰიდროქლორიდის ხსნარში.
მომზადებული ხსნარი დაუყოვნებლივ შეჰყავთ კუნთებში.
დაუშვებელია ადენიტ ფორტეს ინტრავენური გამოყენება.

ორსულობა:

ცხოველებზე ჩატარებული კვლევები არასაკმარისია ემბრიონის/ნაყოფის განვითარების, მშობიარობის და/ან პოსტნატალური განვითარების თვალსაზრისით. პოტენციური რისკი ადამიანებისათვის უცნობია.
ორსულ ქალებში ადენიტ ფორტეს გამოყენების უსაფრთხოებასთან დაკავშირებული ინფორმაცია შეზღუდულია. ორსულობის დროს გამოყენება შესაძლებელია მხოლოდ იმ შემთხვევაში, თუ დედისთვის მოსალოდნელი სარგებელი მეტია, ვიდრე ნაყოფზე პოტენციური ზიანის მიყენების რისკი.
ორსულობის დროს ადენიტ ფორტეს გამოყენება მხოლოდ აუცილებლობის შემთხვევაში შეიძლება.

ლაქტაცია:

არ არის ცნობილი გამოიყოფა თუ არა ადენიტ ფორტე დედის რძეში. ადენიტ ფორტეს რძესთან ერთად გამოყოფა არ არის შესწავლილი ცხოველებში.
ძუძუთი კვების შეწყვეტის, ან ადენიტ ფორტეთი მკურნალობის შეწყვეტის, ან მკურნალობაზე უარის თქმის შესახებ გადაწყვეტილების მიღებისას გასათვალისწინებელია ძუძუთი კვების სარგებელი ბავშვისათვის და პრეპარატის საგებელი დედისათვის.

შენახვა:

ინახება ბავშვებისთვის ხელმიუწვდომელ ადგილას ორიგინალ შეფუთვაში.
ინახება არა უმეტეს 25ºC ტემპერატურაზე.
​