დასახელება - მედოფლუკონი კაფსულა 150მგ #1 რა არის მედოფლუკონი და რისთვის გამოიყენება იგი მედოფლუკონი არის მედიკამენტების ერთ-ერთი ჯგუფი, რომელსაც ეწოდება "სოკოს საწინააღმდეგო საშუალებები". აქტიური ნივთიერებაა ფლუკონაზოლი. მედოფლუკონი გამოიყენება სოკოებით გამოწვეული ინფექციების სამკურნალოდ და ასევე შეიძლება გამოყენებულ იქნას კანდიდოზური ინფექციის თავიდან ასაცილებლად. სოკოვანი ინფექციების ყველაზე გავრცელებული მიზეზი არის საფუარა სოკო, სახელად Candida. როგორ მიიღება მედოფლუკონი ყოველთვის მიიღეთ ეს წამალი ზუსტად ისე, როგორც თქვენმა ექიმმა ან ფარმაცევტმა გითხრათ. თუ არ ხართ დარწმუნებული, მიმართეთ თქვენს ექიმს ან ფარმაცევტს. გადაყლაპეთ კაფსულა მთლიანად ჭიქა წყლის მიყოლებით. უმჯობესია კაფსულების მიღება ყოველდღე ერთსა და იმავე დროს. გამოყენება ბავშვებში და მოზარდებში • 12-დან 17 წლამდე მოზარდები: დაიცავით ექიმის მიერ დანიშნული დოზა (მოზრდილებისთვის ან ბავშვებისთვის). • 11 წლამდე ბავშვები მაქსიმალური დოზა ბავშვებისთვის არის 400 მგ დღეში. დოზა დამოკიდებულია ბავშვის წონაზე კილოგრამებში. • გამოყენება 0-დან 4 კვირამდე ასაკის ბავშვებში; გამოყენება 3-დან 4 კვირამდე ასაკის ბავშვებში: იგივე დოზა, როგორც ზემოთ, მაგრამ ინიშნება 2 დღეში ერთხელ. მაქსიმალური დოზაა 12 მგ კგ სხეულის მასაზე ყოველ 48 საათში. • გამოყენება 2 კვირაზე ნაკლები ასაკის ბავშვებში: იგივე დოზა, როგორც ზემოთ, მაგრამ ინიშნება 3 დღეში ერთხელ. მაქსიმალური დოზაა 12 მგ კგ სხეულის მასაზე ყოველ 72 საათში. როგორ ინახება მედოფლუკონი შეინახეთ ეს წამალი ბავშვებისთვის უხილავ და მიუწვდომელ ადგილას. არ გამოიყენოთ ეს წამალი ვარგისობის ვადის გასვლის შემდეგ, რომელიც მითითებულია კოლოფზე EXP-ის შემდეგ. ვარგისობის ვადა ეხება მოცემული თვის ბოლო დღეს.
