პირველადი დახმარების ყუთი

• იმისათვის, რომ სხეულს არ შევეხოთ დაბინძურებული ხელებით, სასურველია დავიმუშავოთ სადეზინფექციო სპირტხსნარით და გავიკეთოთ ერთჯერადი სტერილური ხელთათმანი.

• ანტისეპტიკური ხსნარი ბეტადინი და სტერილური ბამბა უნდა გამოვიყენოთ , თუ საჭირო გახდება ჭრილობის დამუშავება.
•  სტერილური ბინტი და სტერილური საფენები ჭრილობის შესახვევად. თუ დაზიანება ძალიან მცირეა, გამოვიყენებთ ლეიკოპლასტირს.
• ჭრილობის დაბინძურების თავიდან არიდებისთვის , უნდა გამოვიყენოთ წყალბადის ზეჟანგი.
• შესაძლოა საჭირო გახდეს ტანსაცმლის სხეულიდან მოშორება, ან ბინტების გარკვეულ ზომაზე მოჭრა, ამისათვის დაგვჭირდება მაკრატელი.
• პინცეტი შესაძლოა საჭირო გახდეს უცხო საგნებისა და ნამსხვრევების ამოსაღებად.
• სისხლდენის შემთხვევაში საჭიროა ვიქონიოთ სისხლდენის შემაჩერებელი ლახტი.
• ელასტიური ბინტი თუ დაზიანებულს ესაჭიროება კიდურის ან სხეულის რომელიმე ნაწილის დაფიქსირება.
• თუ სხეულზე აღინიშნება თერმული დაზიანება, შეგვიძლია დამწვრობის ქაფი გამოვიყენოთ.
• სამედიცინო ხელსაწყოებიდან შეგვიძლია ვიქონიოთ თერმომეტრი და წნევის საზომი აპარატი.
• რაც შეეხება მედიკამენტებს, პირველადი დახმარების ყუთში უნდა მოიძებნებოდეს ტკივილგამაყუჩებელი, ალერგიის საწინააღმდეგო და დამამშვიდებელი საშუალებები. ანაფილაქსიური შოკის დროს კი დექსამეტაზონის ამპულები.

ჯანმრთელობის პრობლემები და ტრავმები მოულოდნელად შეიძლება შეგვემთხვეს. სწორედ ამიტომ, მნიშვნელოვანია პირველადი დახმარების ყუთის ქონა ნებისმიერ სიტუაციაში . ეს საშუალებას გვაძლევს, დროულად გავუწიოთ დახმარება დაშავებულს, გადაუდებელი სამედიცინო ჯგუფის მისვლამდე და თავიდან ავიცილოთ შესაძლო გართულებები. გახსოვდეთ, რომ ძალიან მნიშვნელოვანია ყუთის სწორად დაორგანიზება და ყველაზე მოსახერხებელ ადგილას განთავსება. მათი გამოყენების ცოდნა თითოეული ადამიანის ვალია.