საერთაშორისო დასახელება - Acidum Tranexamicum ფარმაკოლოგიური ჯგუფი: ანტიჰემორაგიული და ჰემოსტაზური საშუალებები ფარმაკოთერაპიული ჯგუფი: ანტიფიბრინოლიზური საშუალება
შემადგენლობა: ყოველი ტაბლეტი ან 5 მლ-ანი ამპულა შეიცავს 500 მგ ტრანექსამის მჟავას
კლინიკური ფარმოკოლოგია: ტრანესტატი (ტრანექსამის მჟავა) არის ანტიფიბრინოლიზური პრეპარატი, რომელიც თრგუნავს პლაზმინოგენის პლაზმინად აქტივაციას. ტრანესტატი ასტაბილიზებს ფიბრინულ სტრუქტურებს, ვინაიდან ფიბრინის დეფექტური ფორმაციის ან ფიბრინის ძალიან სწრაფი დაშლის შედეგად ვითარდება ძლიერი ან რეციდივული სისხლდენა და ეს ხდება პლაზმინით ჰემოსტაზური ფიბრინის საბოლოო დაშლის პრევენციით. გარდა ამისა, ტრანესტატი ზრდის კოლაგენის სინთეზს და გრანულაციის ქსოვილებს, სავარაუდოდ ფიბრინული მატრიცის შენარჩუნების გზით.
ჩვენებები: სისხლდენის პრევენცია ქირურგიული ოპერაციის ან ტრავმის შემდეგ: -კბილის ამოღება ჰემოფილიის მქონე პაციენტებში; -საშვილოსნოს ყელის კონიზაცია; -ტონზილექტომია და ადენოდექტომია; -პროსტატის ქირურგიული ოპერაცია; -თვალის ტრავმა; -სტომატოლოგიური ოპერაცია იმ პაციენტებში რომლებიც იღებენ ანტიკოაგულანტებს. სუბარაქნოიდული სისხლდენის რეციდივის თავიდან აცილება. პირველადი ან საშვილოსნოს შიდა ჩასახვის საწინააღმდეგო საშუალებით ინდუცირებული მენორაგია - მკურნალობა. რქოვანის სპონტანური ან პოსტოპერაციული შეშუპების პრევენცია. მემკვიდრული და არამემკვიდრული ანგიოშეშუპების მკურნალობა. სისხლდენის პრევენცია მწვავე პრომიელოციტური ლეიკემიის დროს. გულის შუნტირების შემდეგ სისხლდენის პრევენცია. გვერდითი ეფექტები: ტრანექსამის მჟავა ხასიათდება კარგი ამტანობით. მან შეიძლება გამოიწვიოს კუჭ-ნაწლავური დარღვევები (როგორიცაა გულისრევა, პირღებინება, დიარეა) და ჰიპოტენზია, განსაკუთრებით ვენებში სწრაფი შეყვანის შემდეგ.
დოზირება: ტრანესტატი მიიღება პერორალურად და ნელი ინტრავენული ინექციის ან უწყვეტი ინფუზიის სახით. რამდენიმე დღის შემდეგ ინექცია ჩვეულებრივ იცვლება პერორალური მიღებით. დოზა მოზრდილებში: პერორალური დოზა- 1-15 გ (ან 15-25 მგ/კგ) დღეში 2-4 ჯერ ნელი ინტრავენული ინექცია-0.5-1გ (ან 10-15 მგ/კგ) დღეში 3 ჯერ უწყვეტი ინტრავენული ინფუზია სიჩქარით 25-50 მგ/კგ-ზე დღეში. დოზა ბავშვებში: 15-25 მგ/კგ-ზე პერორალურად ან 10 მგ/კგ-ზე ინტრავენურად ჩვეულებრივ დღეში ორჯერ.
