დასახელება - Saxenda - საქსენდა შპრიცი 6მგ/მლ 3 ცალი

ჩვენება საქსენდა® ნაჩვენებია, როგორც დამხმარე თერაპია შემცირებული კალორიული დიეტისა და გაზრდილი ფიზიკური აქტივობის დროს ზრდასრული პაციენტების სხეულის წონის მართვისას, სხეულის მასის საწყისი ინდექსით (BMI):
>30 კგ/მშ (სიმსუქნე), ან
>27 კგ/მშ-დან <30 კგ/მშ-მდე (ჭარბი წონა) წონასთან დაკავშირებული მინიმუმ ერთი თანმხლები დაავადების არსებობისას, როგორიცაა დისგლიკემია (პრედიაბეტი ან ტიპი 2 დიაბეტი), ჰიპერტენზია, დისლიპიდემია ან ძილის ობსტრუქციული აპნოე.

თუ პაციენტებმა 3.0 მგ/დღეში გამოყენებისას 12 კვირის მკურნალობის შემდეგ არ დაკარგეს საწყისი სხეულის წონის მინიმუმ 5%, საქსენდას® თერაპია უნდა შეწყდეს.
დოზირება და გამოყენების წესი
საწყისი დოზაა 0,6 მგ დღეში ერთხელ. დოზა უნდა გაიზარდოს 0.6 მგ-ით ყოველ ჯერზე სანამ 3.0 მგ-მდე დღეში ერთხელ დოზას არ მივაღწევთ. დოზა უნდა გაიზარდოს სულ მცირე ერთი კვირის ინტერვალით კუჭ-ნაწლავის ტოლერანტობის გასაუმჯობესებლად (იხ. ცხრილი 1). თუ ზედიზედ 2 კვირის განმავლობაში შემდეგი დოზის გაზრდის მიმართ ტოლერანტობა არ გაიზარდა , შეიძლება განიხილებოდეს თერაპიის შეწყვეტა. 3.0 მგ-ზე მეტი დღიური დოზა არ არის რეკომენდებული.

დავიწყებული დოზები

თუ გამოტოვებული დოზის მიღების დროიდან გასულია 12 საათზე ნაკლები, პაციენტმა უნდა მიიღოს დოზა რაც შეიძლება მალე. თუ მომდევნო დოზის მიღებამდე 12 საათზე ნაკლები დროა, პაციენტმა არ უნდა მიიღოს გამოტოვებული დოზა და უნდა გააგრძელოს დღეში ერთხელ რეჟიმი შემდეგი დაგეგმილი დოზით. არ უნდა იქნას მიღებული დამატებითი ან უფრო მაღალი დოზა გამოტოვებული დოზის ასანაზღაურებლად.

უკუჩვენება
ჰიპერმგრძნობელობა ლირაგლუტიდის ან რომელიმე დამხმარე ნივთიერების მიმართ, რომლებიც ჩამოთვლილია 6.1 ნაწილში.
ის უკუნაჩვენებია პაციენტებში, რომლებსაც აქვთ ფარისებრი ჯირკვლის მედულარული კარცინომის პირადი ან ოჯახური ისტორია ან პაციენტებში, რომლებსაც აქვთ მრავლობითი ენდოკრინული ნეოპლაზმის სინდრომი, ტიპი 2.