ტერაფლუ ფხვნილისგან ცხელი ჩაი მზადდება, რომელიც სიცხეს, თავის ტკივილს და ცხვირის გაჭედვას ამსუბუქებს. პაკეტი ყოველთვის ხელთ გექნება.
პარაცეტამოლი + ფენირამინი + ფენილეფრინი
Paracetamol; Pheniramine; Phenylephrine
გრიპისა და გაციების სიმპტომების საწინააღმდეგო საშუალება (არანარკოტიკული ანალგეზიური საშუალება + ალფა-ადრენომიმეტური საშუალება + H1-ჰისტამინური რეცეპტორების ბლოკატორი).
დოზირებული ფხვნილი ვაშლისა და დარიჩინის გემოთი, შიგნით მისაღები ხსნარის მოსამზადებლად. ერთი პაკეტი — 21.78 გ; შეფუთვაში 10 პაკეტი.
ერთი პაკეტი შეიცავს:
პარაცეტამოლი — 325 მგ;
ფენირამინის მალეატი — 20 მგ;
ფენილეფრინის ჰიდროქლორიდი — 10 მგ.
ინფექციურ-ანთებითი დაავადებები, მათ შორის გრიპი და მწვავე რესპირატორული ვირუსული ინფექციები (გაციება), რომლებსაც თან ახლავს:
მაღალი ტემპერატურა, კანკალი და ცხელება;
თავის ტკივილი;
სურდო და ცხვირის გაჭედვა;
ცემინება;
კუნთების ტკივილი.
მიიღება პერორალურად. ერთი პაკეტის შიგთავსი გახსენით ერთ ჭიქა ადუღებულ ცხელ წყალში. მიიღეთ ცხელი სახით. სურვილისამებრ შეიძლება შაქრის დამატება.
განმეორებითი დოზის მიღება შესაძლებელია ყოველ 4 საათში ერთხელ, მაგრამ არ მიიღოთ 24 საათის განმავლობაში 3 დოზაზე მეტი.
პრეპარატის მიღება შეიძლება დღის ნებისმიერ დროს, თუმცა საუკეთესო ეფექტი მიიღწევა ძილის წინ, საღამოს მიღებისას.
თუ პრეპარატის გამოყენების დაწყებიდან 3 დღის განმავლობაში სიმპტომები არ შემსუბუქდა, მიმართეთ ექიმს.
ალერგიული რეაქციები: გამონაყარი, ქავილი, ჭინჭრის ციება, ანგიონევროზული შეშუპება;
მომატებული აგზნებადობა, ფსიქომოტორული რეაქციების სისწრაფის დაქვეითება, დაღლილობა;
პირის სიმშრალე, შარდის შეკავება;
ღებინება, გულისრევა, კუჭის ტკივილი;
გულისცემის გახშირება, არტერიული წნევის მომატება;
თავბრუსხვევა, ძილის დარღვევა;
მიდრიაზი, აკომოდაციის პარეზი, თვალშიდა წნევის მომატება.
პარაცეტამოლის შემცველობის გათვალისწინებით, იშვიათად შესაძლებელია სისხლის სისტემის დარღვევები, მათ შორის ანემია, თრომბოციტოპენია, ლეიკოპენია და აგრანულოციტოზი.
მაღალი დოზების ხანგრძლივად გამოყენებისას შესაძლებელია ღვიძლისა და თირკმელების ტოქსიკური დაზიანება, ჰემოლიზური ანემია, მეტჰემოგლობინემია და პანციტოპენია.
ჰიპერმგრძნობელობა პრეპარატის რომელიმე კომპონენტის მიმართ;
ორსულობა და ლაქტაციის პერიოდი;
პორტული ჰიპერტენზია;
ალკოჰოლიზმი;
თირკმლის უკმარისობა;
გლუკოზა-6-ფოსფატდეჰიდროგენაზას დეფიციტი;
12 წლამდე ასაკი.
პრეპარატი სიფრთხილით გამოიყენება შემდეგი მდგომარეობების დროს:
არტერიული ჰიპერტენზია;
შაქრიანი დიაბეტი;
დახურულკუთხოვანი გლაუკომა;
ღვიძლისა და თირკმელების დაავადებები;
ფილტვების მძიმე დაავადებები, მათ შორის ბრონქული ასთმა;
შარდვის გაძნელება წინამდებარე ჯირკვლის ადენომის დროს;
თანდაყოლილი ჰიპერბილირუბინემია, მათ შორის ჟილბერის, დუბინ–ჯონსონისა და როტორის სინდრომები.
