რა არის ოქტიზი გელი და რისთვის გამოიყენება?

აქტიური ნივთიერებები: ოქტენიდინის დიჰიდროქლორიდი და ფენოქსიეთანოლი. 1 გ გელი შეიცავს 1 მგ ოქტენიდინის დიჰიდროქლორიდს (ანტისეპტიკურ და სადეზინფექციო საშუალება)და 10 მგ ფენოქსიეთანოლს (ბაქტერიციდულ საშუალებას).

სხვა ინგრედიენტებია: ეთანოლი 96%, გლიცეროლი 85%, პოლოქსამერი 407 (შეიცავს ბუტილჰიდროქსიტოლუოლს (E321)) და გასუფთავებული წყალი.

ის გამოიყენება კანზე, მცირე და ზედაპირული ჭრილობების განმეორებითი, დროში შეზღუდული, შემანარჩუნებელი ანტისეპტიკური მკურნალობისთვის ყველა ასაკობრივი ჯგუფის პაციენტებში.

არ გამოიყენოთ ოქტიზი გელი:
· თუ გაქვთ ალერგია ოქტენიდინის დიჰიდროქლორიდის, ფენოქსიეთანოლის ან ამ პრეპარატის სხვა რომელიმე ინგრედიენტის მიმართ.
· ეს პრეპარატი არ უნდა იქნას გამოყენებული მუცლის ღრუს (მაგ. ოპერაციის დროს [ინტრაოპერაციული]), შარდის ბუშტის ან დაფის აპკის გამოსარეცხად.

გაფრთხილებები და უსაფრთხოების ზომები:
ოქტიზი გელის გამოყენებამდე მიმართეთ ექიმს, ფარმაცევტს ან ექთანს.
- არ გამოიყენოთ სამკურნალო პროდუქტი საჭიროზე დიდი რაოდენობით, არ გადაყლაპოთ ის და არ დაუშვათ მისი სისხლში მოხვედრა, მაგ. შემთხვევითი ინექციის გზით.
- ქსოვილების შესაძლო დაზიანების თავიდან ასაცილებლად, ამ პრეპარატის გამოყენებისას სიფრთხილეა საჭირო, რათა დარწმუნდეთ, რომ პროდუქტი არ გამოიყენება ზეწოლით ან არ შეჰყავთ ქსოვილში.
- ღრუ ჭრილობების შემთხვევაში (უფრო დიდი, ღრმა ჭრილობები კანქვეშა ქსოვილის დაკარგვით), უნდა იყოს უზრუნველყოფილი ჭრილობის სითხის დინება (მაგალითად, დრენაჟი ან ჭრილობის დამუშავების სპეციალური ტექნიკა /ე.წ. კანის ფლაპი/).
- არ გამოიყენოთ ოქტიზი გელი თვალში. თვალებთან კონტაქტის შემთხვევაში, დაუყოვნებლივ ჩამოიბანეთ დიდი რაოდენობით წყლით.

ბავშვები და მოზარდები:
- სიფრთხილით გამოიყენეთ ახალშობილებში, განსაკუთრებით ნაადრევად დაბადებულებში. ოქტიზი გელმა შეიძლება გამოიწვიოს კანის სერიოზული დაზიანებები. მოაშორეთ ზედმეტი პროდუქტი და დარწმუნდით, რომ გელი კანზე საჭიროზე მეტხანს არ რჩება (მათ შორის, პაციენტთან უშუალო კონტაქტში მყოფი გელის წვეთოვანი მასალები).
- 6 წლამდე ასაკის ბავშვებში ოქტიზი გელის გამოყენება უნდა შემოიფარგლოს რამდენიმე დღით.

- ადგილობრივი გამოყენების გამო, ოქტიზი გელი გამოიყენება ერთნაირად მოზრდილებში, ბავშვებსა და მოზარდებში. 

​
სხვა პრეპარატები და ოქტიზი გელი:
აცნობეთ ექიმს ან ფარმაცევტს, თუ იყენებთ ან ცოტა ხნის წინ გამოიყენეთ სხვა პრეპარატები, მათ შორის რეცეპტის გარეშე გასაცემი.
- არ გამოიყენოთ ეს პრეპარატი პოვიდონ-იოდის ბაზაზე დაფუძნებულ კანის სადეზინფექციო საშუალებებთან ერთად კანის უბნების დასახურავად, რადგან ამან შეიძლება გამოიწვიოს კანის ძლიერი ყავისფერი ან იისფერი შეფერილობა.
- არ გამოიყენოთ ოქტიზი გელი ანიონურ ტენზიდებთან (მაგალითად, საპონი, სარეცხი ან საწმენდი საშუალებები) ერთად, რადგან ეს იწვევს ამ წამლის ანტიმიკრობული ეფექტურობის შეზღუდვას ან დაკარგვას.

ორსულობა: ორსულობის დროს ოქტიზი გელის გამოყენება არ შეიძლება.
ძუძუთი კვება: ნაკლებად სავარაუდოა, რომ ეს პრეპარატი დედის რძეში გადავიდეს. ძუძუთი კვების დროს ოქტიზი გელის გამოყენება სარძევე ჯირკვლის არეში არ შეიძლება.

სატრანსპორტო საშუალებების მართვა და მექანიზმებთან მუშაობა: არ აქვს ან აქვს უმნიშვნელო გავლენა სატრანსპორტო საშუალებების მართვასა და მექანიზმებთან მუშაობის უნარზე.

შეიცავს:

- სპირტს (ეთანოლს) და ბუტილჰიდროქსიტოლუოლს, ბუტილჰიდროქსიტოლუენმა შეიძლება გამოიწვიოს ადგილობრივი კანის რეაქციები (მაგ. კონტაქტური დერმატიტი) ან თვალებისა და ლორწოვანი გარსების გაღიზიანება.

- 95.2 მგ სპირტს (ეთანოლს) ყოველ 1 გ-ში.მან შეიძლება გამოიწვიოს წვის შეგრძნება დაზიანებულ კანზე.

გამოყენების წესი:
ყოველთვის გამოიყენეთ ეს წამალი ზუსტად ისე, როგორც აღწერილია ამ ინსტრუქციაში ან ექიმის ან ფარმაცევტის მითითებების შესაბამისად. თუ არ ხართ დარწმუნებული, მიმართეთ ექიმს ან ფარმაცევტს.
- ეს სამკურნალო საშუალება უნდა იქნას გამოყენებული კანზე (ის განკუთვნილია მხოლოდ კანისთვის). წაისვით ოქტიზი გელი თხელი ფენით კანის დასამუშავებელ უბანზე, სანამ ის მთლიანად არ დაიფარება.
- დაელოდეთ მინიმუმ 1 ან 2 წუთი ნებისმიერი შემდგომი ზომების მიღებამდე, როგორიცაა ჭრილობის სახვევის დადება. ეს დრო საჭიროა იმისათვის, რომ პროდუქტმა მოგვცეს სასურველი ეფექტი.
- ოქტიზი გელი უნდა იქნას გამოყენებული დღეში მაქსიმუმ სამჯერ.
- ნუ გამოიყენებთ ამ პრეპარატს 2 კვირაზე მეტი ხანგრძლივობით ექიმთან კონსულტაციის გარეშე. 

თუ იყენებთ ოქტიზი გელის საჭიროზე მეტ დოზას: ადგილობრივი გამოყენების პრეპარატის შემთხვევაში, დოზის გადაჭარბება ნაკლებად სავარაუდოა. თუმცა, თუ ნერვიულობთ, რჩევისთვის მიმართეთ ექიმს ან ფარმაცევტს.
თუ შემთხვევით გადაყლაპავთ ოქტიზი გელს: დაუყოვნებლივ უნდა მიმართოთ ექიმს რჩევისთვის.
ამ პრეპარატის გამოყენებასთან დაკავშირებით დამატებითი კითხვების შემთხვევაში, მიმართეთ ექიმს ან ფარმაცევტს.

​
შესაძლო გვერდითი ეფექტები:
იშვიათი:
იშვიათ შემთხვევებში, შეყვანის ადგილას შეიძლება განვითარდეს წვა, სიწითლე, ქავილი და სითბოს შეგრძნება.
ძალიან იშვიათი:
შესაძლებელია ადგილობრივი კანის გაღიზიანება (კონტაქტური ალერგიული რეაქციები), როგორიცაა დამუშავებული კანის დროებით გაწითლება. თუ ოქტიზი გელი პირის ღრუში მოხვდება, ის დროებით იწვევს მწარე გემოს.

​
დამატებითი გვერდითი მოვლენები ბავშვებსა და მოზარდებში:
- ნაადრევადშობილებში ამ პრეპარატის გამოყენებამ შეიძლება გამოიწვიოს კანის დროებითი გამონაყარი (ერითემატოზული რეაქცია).
- გვერდითი ეფექტების სიხშირე, ტიპი და სიმძიმე ბავშვებსა და მოზარდებში მოსალოდნელია, რომ იყოს იგივე, რაც მოზრდილებში.

შენახვის წესი:
- შეინახეთ ეს პრეპარატი ბავშვებისთვის მიუწვდომელ ადგილას.
- არ გამოიყენოთ ეს პრეპარატი ვარგისობის ვადის გასვლის შემდეგ, რომელიც მითითებულია ტუბსა და კოლოფზე „ვარგისიანობის ვადა“-ს გასწვრივ.
ვარგისობის ვადა მოიცავს მითითებული თვის ბოლო დღეს.
- ეს პრეპარატი არ საჭიროებს შენახვის განსაკუთრებულ პირობებს.
- პირველი გახსნის შემდეგ: შეინახეთ არაუმეტეს 25°C ტემპერატურის პირობებში.

- ვარგისობის ვადა პირველი გახსნის შემდეგ: 1 წელი.
- ნუ გადაგდებთ ნებისმიერ წამალს ჩამდინარე წყლებში ან საყოფაცხოვრებო ნარჩენებში. ჰკითხეთ ფარმაცევტს, თუ როგორ გადაყაროთ გამოუყენებელი წამლები. ეს ზომები ხელს შეუწყობს გარემოს დაცვას.


სავაჭრო ლიცენზიის მფლობელი:
EGIS Pharmaceuticals PLC
1106 ბუდაპეშტი, კერესტურის ქ. 30-38.
უნგრეთი