ენტეროლი ფხვნილი ორალური ხსნარის მოსამზადებლად 250მგ პაკეტი #10

ენტეროლი 250 ფხვნილი ორალური სუსპენზიისთვის

შემადგენლობა:

აქტიური ნივთიერება:
საფუარა Saccharomyces boulardii CNCM I-745 (ლიოფილიზებული უჯრედები) 250 მგ.

დამხმარე ნივთიერებები:
ლაქტოზას მონოჰიდრატი, ფრუქტოზა, გაუწყლოებული კოლოიდური სილიციუმი, „ტუტი-ფრუტი“ არომატი (არომატის სუბსტანცია, მალტოდექსტრინი (სიმინდის), სორბიტოლის სიროფი E420, გუმიარაბიკი/აკაციის გუმფისი E414, ბუთილირებული ჰიდროქსიანისოლი E320, მეთილეუგენოლი, საფროლი).

გამოყენება:

Saccharomyces boulardii CNCM I-745 პრობიოტიკია, რაც ნიშნავს, რომ ის ორგანიზმისთვის სასარგებლო მიკროორგანიზმია.

ნაწლავური ფლორა შედგება მილიარდობით მიკროორგანიზმისგან. მისი ბალანსი საჭიროა საჭმლის მომნელებელი ტრაქტის მნიშვნელოვანი ფუნქციების შესანარჩუნებლად, როგორიცაა საჭმლის გადამუშავება, ინფექციური ნივთიერებების წინააღმდეგ ბრძოლა, იმუნური დაცვის სტიმულაცია და გაძლიერება.

თუმცა ეს წონასწორობა სუსტია და შეიძლება დაირღვეს სხვადასხვა ფაქტორით, როგორიცაა ვირუსით ან ბაქტერიით გამოწვეული ნაწლავური ინფექციები, ზოგიერთი პრეპარატით (მაგალითად ანტიბიოტიკებით) მკურნალობა და კვებითი ჩვევების ცვლილება, რამაც შეიძლება გამოიწვიოს საჭმლის მონელების პრობლემები, მაგალითად დიარეა.

ენტეროლი 250 ფხვნილი ორალური სუსპენზიისთვის არის ნაწლავური ფლორის ე.წ. „ჩამნაცვლებელი ფლორა“ პრეპარატი, რომელიც ხელს უწყობს ნაწლავური ფლორის დროებითი დისბალანსის კომპენსირებას.

ჩვენება:

• მწვავე დიარეული ინფექცია ბავშვებსა და მოზრდილებში;
• მწვავე და ქრონიკული ენტერიტები და ენტეროკოლიტები;
• ანტიბიოტიკით გამოწვეული დიარეის მკურნალობა და პრევენცია;
• ვანკომიცინი/მეტრონიდაზოლით მკურნალობის დანამატის სახით Clostridium difficile დაავადებების რეციდივების პროფილაქტიკა;
• ნაწლავური დისბაქტერიოზი;
• გაღიზიანებული ნაწლავის სინდრომი;
• ზონდით ხანგრძლივ კვებასთან დაკავშირებული დიარეა.

უკუჩვენება:

ენტეროლი 250 არ მიიღება შემდეგ შემთხვევებში:

• ალერგია Saccharomyces boulardii CNCM I-745-ის ან პრეპარატის სხვა კომპონენტის მიმართ;
• ცენტრალური ვენური კათეტერიზაციისას;
• დასუსტებული იმუნიტეტის მქონე ან ჰოსპიტალიზებული პაციენტები (სერიოზული დაავადებით ან შეცვლილი/დასუსტებული იმუნური სისტემით).

ორსულობა და ლაქტაცია:

საკმარისი მონაცემების არ არსებობის გამო პრეპარატის მიღება ორსულობის დროს რეკომენდებული არ არის.

ნორმალური გამოყენების პირობებში შესაძლებელია პრეპარატის მიღება ლაქტაციის დროს.

თუ ხართ ორსულად, ლაქტაციის პერიოდში, ფიქრობთ რომ ხართ ორსულად ან გეგმავთ ბავშვის გაჩენას, პრეპარატის მიღებამდე მიმართეთ ექიმს ან ფარმაცევტს.

მიღების წესი და დოზირება:

ახალშობილები:
არა უმეტეს 1 პაკეტი დღეში, ექიმის მკაცრი მეთვალყურეობის ქვეშ.

6 წლამდე ასაკის ბავშვები:
1 პაკეტი 1–2-ჯერ დღეში.

მოზრდილები და 6 წელზე უფროსი ასაკის ბავშვები:
1–2 პაკეტი 1–2-ჯერ დღეში.

მკურნალობის რეკომენდებული პერიოდი:

• მწვავე დიარეის მკურნალობა: 3–5 დღე;
• დისბაქტერიოზის, ქრონიკული დიარეის, გაღიზიანებული ნაწლავის სინდრომის მკურნალობა: 10–14 დღე;
• ანტიბიოტიკ-ასოცირებული დიარეისა და ფსევდომემბრანული კოლიტის პრევენცია და მკურნალობა:
  ენტეროლი 250 მიიღება ანტიბიოტიკებთან ერთად დღეში 2 პაკეტი, ანტიბიოტიკების პირველი მიღებიდან.

პრეპარატი ყოველთვის გამოიყენეთ ზუსტად ინსტრუქციის შესაბამისად ან ექიმის/ფარმაცევტის დანიშნულებით.

მიღების გზა:

ორალური გამოყენება.

პაკეტის შემცველობა ჩაყარეთ მცირე რაოდენობის წყალში ან ტკბილ სასმელში, მოურიეთ და დალიეთ. ფხვნილის შერევა ასევე შესაძლებელია საჭმელში.

არ შეურიოთ ძალიან ცხელ ან ძალიან ცივ ხსნარებს, საკვებს ან ალკოჰოლურ სასმელებს.

შენახვის წესი:

შეინახეთ ბავშვებისთვის უხილავ და მიუწვდომელ ადგილას.

ინახება სინათლისგან დაცულ ადგილას, არაუმეტეს 25°C ტემპერატურაზე.