საერთაშორისო დასახელება - simethicone
კლინიკურ-ფარმაკოლოგიური ჯგუფი: გასტროენტეროლოგია, ჰეპატოლოგია → ნაწლავებში აირწარმომქნის შემამცირებელი პრეპარატები

შემადგენლობა:
თითოეული კაფსულა აქტიური ნივთიერების სახით შეიცავს: 140 მგ სიმეთიკონი. დამხმარე ნივთიერებები: გლიცერინი, ჟელატინი, გამოხდილი წყალი.

ფარმაკოთერაპიული ჯგუფი:
ნაწლავთა ფუნქციური დარღვევების სამკურნალო სხვა საშუალებები.

ჩვენებები:
მეტეორიზმის სიმპტომური მკურნალობა მოზრდილებში.

დოზირება და მიღების წესი:
მოზრდილები: დიალაკის რეკომენდირებული მაქსიმალური დოზაა 4 კაფსულა დღეში. მიიღება 1 კაფსულა ყოველი ძირითადი კვების შემდეგ. პრეპარატი მოწოდებულია შიგნით მისაღებად წყალთან ერთად. მკურნალობის ხანგრძლივობა შეადგენს 10 დღეს. არ გამოიყენება ბავშვებში.

გვერდითი მოვლენები:
ზომიერი და გარდამავალი შეკრულობა და გულისრევა, ბოყინი, მომატებული მგრძნობელობის რეაქციები, როგორიცაა გამონაყარი კანზე, ქავილი, სახის ან ენის შეშუპება, სუნთქვის გაძნელება.

უკუჩვენებები:
მომატებული მგრძნობელობა სიმეთიკონის ან პრეპარატის შემადგენელი რომელიმე ინგრედიენტის მიმართ.
ურთიერთქმედება სხვა პრეპარატებთან:
არ არსებობს სათანადო მონაცემები.

განსაკუთრებული მითითებები:
მკურნალობის პერიოდში სიმპტომების გახანგრძლივების ან გაუარესების, შეკრულობის გახანგრძლივების შემთხვევაში უნდა მიემართოს ექიმს. სიმეთიკონი არ არის რეკომენდირებული ახალშობილებში კოლიკის სამკურნალოდ.

ორსულობა და ლაქტაცია:
პრეპარატის მიღებამდე ორსულობისა და ლაქტაციის პერიოდში უნდა მიემართოს მკურნალ ექიმს.
მანქანისა და სხვა მექანიზმების მართვა:
მედიკამენტი არ ახდენს გავლენას მანქანისა და სხვა მექანიზმების მართვის უნარზე.

ჭარბი დოზირება:
ჭარბი დოზირების შემთხვევაში ნაკლებ სავარაუდოა გვერდითი მოვლენების განვითარება. მკურნალობა სიმპტომურია.