საერთაშორისო დასახელება - Fluorometholonum
სამკურნალო ფორმა
თვალის წვეთები 0,1%.
აღწერილობა: თეთრი ფერის სუსპენზია.

შემადგენლობა
პრეპარატის 1 მლ შეიცავს:
აქტიური ნივთიერება: ფლუორომეთოლონის აცეტატი 1 მგ.
დამხმარე ნივთიერებები: ბენზალკონიუმის ქლორიდი, დინატრიუმის ედეტატი, ნატრიუმის დიჰიდროფოსფატ დიჰიდრატი, თილოქსაპოლი, ნატრიუმის ქლორიდი, ჰიდროქსიეთილცელულოზა, ქლორწყალბადმჟავა და/ან ნატრიუმის ჰიდროქსიდი, საინექციო წყალი.

ფარმაკოთერაპიული ჯგუფი
ანთების საწინააღმდეგო საშუალება, კორტიკოსტეროიდები, ფლუორომეთოლონი.
გამოყენების ჩვენებები
სტეროიდების მიმართ მგრძნობიარე თვალის წინა სეგმენტის ანთებითი დაავადებების მკურნალობა.

გამოყენების წესი და დოზები
პრეპარატი არის მხოლოდ ადგილობრივი გამოყენების.
თავსახურის მოხსნის შემდეგ, თუ დამცავი რგოლი არ არის მჭიდროდ შემოკრული, პრეპარატის გამოყენებამდე საჭიროა მისი მოხსნა.
ფლაკონის შემცველობის და საწვეთურის მიკრობული დაბინძურების თავიდან აცილების მიზნით, საჭიროა თავიდან იქნეს აცილებული საწვეთურის წვერის შეხება თვალთან, ქუთუთოსთან ან ნებისმიერ ზედაპირთან.
გამოყენებამდე საჭიროა ფლაკონის შენჯღრევა.
გამოტოვებული დოზის ანაზღაურების მიზნით არ უნდა მოხდეს პრეპარატის ორმაგი დოზის ჩაწვეთება. პრეპარატის გამოყენების გამოტოვების შემთხვევაში, გამოტოვებული დოზის ჩაწვეთება უნდა მოხდეს პრეპარატის რეგულარული გამოყენების გაგრძელებამდე.
რეკომენდებული დოზები
პრეპარატი იწვეთება დაზიანებული თვალის კონიუნქტივალურ პარკში 1 ან 2 წვეთი დღეში 4-ჯერ. მკურნალობის პირველი 24-48 საათის განმავლობაში საჭიროა დოზის გაზრდა 2 წვეთამდე ყოველ 2 საათში.
არ უნდა მოხდეს პრეპარატის უწყვეტი გამოყენება ერთ თვეზე მეტი პერიოდი. მდგომარეობის გაუარესების ან პრეპარატის გამოყენების 2 კვირის შემდეგ მკურნალობის არაეფექტურობის შემთხვევაში, საჭიროა ექიმთან მიმართვა და მკურნალობის შეწყვეტა.

უკუჩვენება
-ჰიპერმგრძნობელობა აქტიური ნივთიერების ან პრეპარატის ნებისმიერი კომპონენტის მიმართ;
-თვალის მწვავე ბაქტერიული ინფექციები, რომელთა მკურნალობა ადრე არ ხდებოდა;
-მარტივი ჰერპეს ვირუსით გამოწვეული რქოვანას ინფექციები (Hერპეს სიმპლეხ);
-წითელა, ჩუტყვავილა ან რქოვანას და კონიუნქტივას სხვა ვირუსული ინფექციები;
-თვალის სოკოვანი ინფექციები (თვალის მიკოზი);
-მომატებული თვალშიდა წნევა;
-თვალის მიკობაქტერიული ინფექციები (თვალის ტუბერკულოზის ჩათვლით);
-ჰორდეოლუმი (ჯიბლიბო) ქუთუთოზე.