ჰედელიქსი წვეთები ორალური 50მლ ფლაკონი #1

საერთაშორისო დასახელება
FOLIA HEDERAE HELICIS

კლინიკურ-ფარმაკოლოგიური ჯგუფი
მცენარეული წარმოშობის ხველის საწინააღმდეგო საშუალება.

შემადგენლობა და გამოშვების ფორმა
წვეთები: ფლაკონში 50 მლ.
1 მლ (30 წვეთი) შეიცავს სუროს ფოთლების თხიერ ექსტრაქტს შაქრისა და სპირტის გარეშე: 0.1 გ (1:1).
დამხმარე ნივთიერებები: პროპილენგლიკოლი, გლიცეროლი, არომატული ნივთიერება.

ჩვენებები

• სასუნთქი გზების ანთებითი დაავადებები;
• ბრონქების ქრონიკული ანთებითი დაავადებების სიმპტომური მკურნალობა;
• შემაწუხებელი „ღამის“ ხველა.

მიღების წესი და დოზირება
ექიმის დანიშნულების გარეშე პრეპარატი ინიშნება 3-ჯერ დღეში:

• მოზრდილები და 10-16 წლის ასაკის ბავშვები: 30-40 წვეთი (დღეში 90-120 წვეთი);
• 4-10 წლის ასაკის ბავშვები: 20 წვეთი (დღეში 60 წვეთი);
• 1-4 წლის ასაკის ბავშვები: 15 წვეთი (დღეში 45 წვეთი);
• 0-1 წლის ასაკის ბავშვები: 10 წვეთი (დღეში 30 წვეთი).

ჰედელიქსი ინიშნება განზავების გარეშე. ჩვილ და პატარა ასაკის ბავშვებში პრეპარატი განზავდება ხილის წვენთან ან ჩაისთან ერთად.

გამოყენების ხანგრძლივობა
პრეპარატის გამოყენების ხანგრძლივობა დამოკიდებულია დაავადების სახეობასა და სიმძიმეზე. მსუბუქი ფორმის დაავადების დროს მკურნალობის ხანგრძლივობა შეადგენს 1 კვირას. თერაპიული შედეგის შესანარჩუნებლად მკურნალობა გრძელდება დაავადების სიმპტომების გაქრობის შემდეგ კიდევ 2-3 დღის განმავლობაში.

გვერდითი მოვლენები
მონაცემები არ მოიპოვება.

უკუჩვენებები
არ არის დადგენილი.

ორსულობა და ლაქტაცია
პრეპარატის გამოყენება შესაძლებელია ჩვენების მიხედვით.

განსაკუთრებული მითითებები

• შაქრიანი დიაბეტით დაავადებულთათვის: ვინაიდან პრეპარატი არ შეიცავს სპირტსა და შაქარს, მისი გამოყენება შესაძლებელია როგორც შაქრიანი დიაბეტით დაავადებულებში, ასევე პაციენტებში, რომლებიც ერიდებიან ალკოჰოლის მიღებას.
• დაუშვებელია ვადაგასული პრეპარატის გამოყენება.
• ვინაიდან პრეპარატი შეიცავს მცენარეული წარმოშობის ექსტრაქტს, შესაძლებელია მისი შემღვრევა ან გემოს მცირედი ცვლილება. ამის მიუხედავად, პრეპარატის თერაპიული ეფექტი არ მცირდება.

ჭარბი დოზირება
მონაცემები არ მოიპოვება.

სხვა წამლებთან ურთიერთქმედება
მონაცემები არ მოიპოვება.