აზიოპტიკი წვეთები თვალის 15მგ/1გრ 0.25გრ ფლაკონი

შემადგენლობა:

​აქტიური ნივთიერებები: ხსნარის ყოველი გრამი შეიცავს 15მგ აზიტრომიცინის დიჰიდრატს, რომელიც არის 14.3მგ აზიტრომიცინის ექვივალენტური.

თერაპიული ჩვენება:

აზიოპტიკი 15მგ/გ, თვალის წვეთები, ხსნარი ერთჯერად დოზიან კონტეინერში ნაჩვენებია ადგილობრივი ანტიბაქტერიული მკურნალობისთვის კონიუნქტივიტის დროს, რომელიც გამოწვეულია მგრძნობიარე შტამებით:

• ჩირქოვანი ბაქტერიულ კონიუნქტივიტი, ბავშვებში (ასაკი დაბადებიდან 17 წლამდე) და მოზარდებში
• ტრაქომატული კონიუნქტივიტი, რომელიც გამოწვეულიაChlamydia trachomatis მიერ ბავშვებში (ასაკი დაბადებიდან 17 წლამდე) და მოზარდებში.

უნდა გაითვალისწინონ ოფიციალური გაიდლაინები ანტიბაქტერიული აგენტების შესაბამისი გამოყენების შესახებ.

დოზირება და მიღების წესი:

დოზირება:

მოზრდილები - ჩაიწვეთეთ ერთი წვეთი კონიუნქტივალურ ჯიბეში, ორჯერ დღეში, დილით და საღამოს, სამი დღის განმავლობაში. სამ დღეზე დიდხანს მკურნალობის გაგრძელება აუცილებელი არ არის.

დოზის რეჟიმის დაცვა მნიშვნელოვანია მკურნალობის წარმატებისთვის.

ხანდაზმულები - დოზის ცვლილება აუცილებელი არ არის.

პედიატრული პოპულაცია - დოზის ცვლილება აუცილებელი არ არის.

მიღების წესი:

თვალში ჩასაწვეთებლად.

პაციენტს უნდა ურჩიონ:

• კარგად დაიბანონ ხელები ჩაწვეთებამდე და მის შემდეგ,
• მოერიდონ თვალის ან ქუთუთოების შეხებას ერთჯერად დოზიანი კონტეინერის საწვეთურთან.
• გაანადგურონ ერთჯერად დოზიანი კონტეინერი გამოყენების შემდეგ და არ შეინახონ შემდეგი გამოყენებისთვის.
  

ფერტილობა, ორსულობა და ლაქტაცია:

ორსულობა:

ორსულობაზე ეფექტი მოსალოდნელი არ არის, რადგან აზიტრომიცინის სისტემური ექსპოზიცია უმნიშვნელოა. აზიოპტიკი 15მგ/გ თვალის წვეთების ხსნარის გამოყენება შესაძლებელია ორსულობის დროს.

ძუძუთი კვება:

შეზღუდული მონაცემები მიუთითებს, რომ აზიტრომიცინი გამოიყოფა ლაქტატში, მაგრამ დაბალი დოზის და დაბალი სისტემური ბიოშეღწევადობის გამო, ახალშობილის მიერ მიღებული დოზა უმნიშვნელოა. შედეგად, ძუძუთი კვება შესაძლებელია მკურნალობის დროს.

ფერტილობა:

ცხოველებზე ჩატარებული კვლევები არ მიუთითებსაზიტრომიცინით მკურნალობის ეფექტზე მამრების და მდედრების ფერტილობაზე. ადამიანის მონაცემები უცნობია. თუმცა ფერტილობაზე ეფექტი მოსალოდნელი არ არის, რადგან აზიტრომიცინის სისტემური ექსპოზიცია უმნიშვნელოა.

შენახვა:

​თვალის წვეთების ერთჯერად დოზიანი კონტეინერის გახსნის შემდეგ, ხსნარი დაუყოვნებლივ უნდა გამოიყენონ.
გაანაგურეთ გახსნილი ერთჯერად დოზიანი კონტეინერი პირველი გამოყენებისთანავე.

შეინახეთ 2-დან და 8°C-მდე, ორიგინალურ შეფუთვაში, სინათლისგან დასაცავად.
ერთჯერად დოზიანი კონტეინერი სინათლისგან დასაცავად შეინახეთ პაკეტში.