​

მოქმედი ნივთიერება

სილდენაფილი

კლინიკურ-ფარმაკოლოგიური ჯგუფი

ერექციის დისფუნქციის სამკურნალო საშუალება

ჩვენებები

• ერექციის დისფუნქციის მკურნალობა, რაც განისაზღვრება როგორც სასქესო აქტის განსახორციელებლად ერექციის მიღწევის ან შენარჩუნების შეუძლებლობა.

• სილდენაფილის სპეციფიკური მოქმედებისათვის სექსუალური აგზნება აუცილებელია.

• პრეპარატი არ არის ნაჩვენები ქალებისთვის.

მიღების წესი და დოზირება

• ტაბლეტები მიიღება პერორალურად.

• მოზრდილებში: რეკომენდებული დოზაა 50 მგ, რომელსაც საჭიროებისამებრ იღებენ სექსუალურ აქტამდე დაახლოებით 1 საათით ადრე.

• ეფექტურობისა და ამტანობის გათვალისწინებით, დოზა შეიძლება გაიზარდოს 100 მგ-მდე ან შემცირდეს 25 მგ-მდე.

• პრეპარატის მაქსიმალური რეკომენდებული დოზა არის 100 მგ, მიღების მაქსიმალური სიხშირე – ერთხელ დღეში.

• საკვებთან ერთად მიღებისას სილდენაფილის აქტივობა შეიძლება გამოვლინდეს გვიან, უზმოზე მიღებასთან შედარებით.

უკუჩვენებები

• ნიტრატებთან ერთად მიღება აკრძალულია, რადგან სილდენაფილი აძლიერებს ნიტრატების ჰიპოტენზიურ ეფექტს (მაგალითად აზოტის ოქსიდის დონატორები, ამილნიტრიტი).

• არ უნდა გამოიყენონ პაციენტებმა, რომლებთათვისაც სექსუალური აქტის შესრულება აკრძალულია, განსაკუთრებით გულ-სისხლძარღვთა მძიმე დაავადებების (არასტაბილური სტენოკარდია, გულის მძიმე უკმარისობა) დროს.

• უკუნაჩვენებია ასევე:

  • ღვიძლისა და თირკმელების მძიმე უკმარისობა

  • ჰიპოტენზია (არტერიული წნევა <90/50 მმ ვწყ. სვ.)

  • ახლად გადატანილი ინსულტი ან მიოკარდიუმის ინფარქტი

  • რქოვანას თანდაყოლილი დეგენერაციული დაავადებები (რქოვანას პიგმენტაცია)

• სილდენაფილი უკუნაჩვენებია პაციენტებისთვის, რომლებსაც მომატებული მგრძნობელობა აქვთ პრეპარატის ნებისმიერ კომპონენტზე.

შენახვის პირობები

• ინახება არაუმეტეს 30°C ტემპერატურაზე, ნესტისა და ბავშვებისგან დაცულ ადგილას.