ვაზუროტინი® (როზუვასტატინი)

შემადგენლობა

როზუვასტატინი

ჩვენებები

როზუვასტატინი გამოიყენება საერთო ქოლესტერინის, LDL ქოლესტერინის, B აპოლიპოპროტეინისა და ტრიგლიცერიდების მომატებული კონცენტრაციების შემცირების მიზნით იმ შემთხვევაში, თუ სხვა მეთოდები სასურველ შედეგებს ვერ იძლევა.

პრეპარატი გამოიყენება:

• ჰიპერქოლესტერინემიის დროს;
• კომბინირებული (შერეული) ჰიპერქოლესტერინემიის დროს;
• ჰომოზიგოტური ოჯახური ჰიპერქოლესტერინემიის დროს;
• გულ-სისხლძარღვოვანი დაავადებების პროფილაქტიკისათვის.

დოზირება და მიღების წესი

• მიიღება 1 ტაბლეტი დღეში ერთხელ.
• როზუვასტატინის მაქსიმალური სადღეღამისო დოზა შეადგენს 40 მგ-ს.

40 მგ დოზა განკუთვნილია მხოლოდ ქოლესტერინის მაღალი დონის მქონე პაციენტებისთვის და იმ პაციენტებისთვის, რომლებსაც აქვთ გულის შეტევის ან სტენოკარდიის მაღალი რისკი და რომელთა ქოლესტერინის დონე სათანადოდ არ შემცირდა 20 მგ ტაბლეტის მიღებისას.

რეკომენდებულია ქოლესტერინის დონის რეგულარული კონტროლი.

დოზის გამოტოვების შემთხვევაში

• შემდეგი დოზა მიიღეთ ჩვეულ დროს;
• არ მიიღოთ გაორმაგებული დოზა გამოტოვებულის სანაცვლოდ.

როზუვასტატინის მიღების შეწყვეტამდე აუცილებელია ექიმთან კონსულტაცია, რადგან პრეპარატის შეწყვეტამ შესაძლოა გამოიწვიოს ქოლესტერინის დონის მომატება.

გვერდითი მოვლენები

ყველა პრეპარატის მსგავსად, როზუვასტატინმაც შეიძლება გამოიწვიოს გვერდითი მოვლენები. ჩვეულებრივ, ეს მოვლენები მსუბუქი და გარდამავალი ხასიათისაა.

დაუყოვნებლივ შეწყვიტეთ პრეპარატის მიღება და მიმართეთ ექიმს, თუ აღინიშნება:

• სუნთქვის გაძნელება სახის, ენის, ტუჩების ან ყელის შეშუპებით ან მის გარეშე;
• სახის, ენის, ტუჩების ან ყელის შეშუპება, რამაც შეიძლება გამოიწვიოს ყლაპვის გაძნელება;
• კანის ძლიერი ქავილი.

ასევე დაუყოვნებლივ შეწყვიტეთ როზუვასტატინის მიღება, თუ:

აღინიშნება კუნთების უჩვეულო ტკივილი, რომელიც ხანგრძლივად გრძელდება.

სხვა სტატინების მსგავსად, ადამიანთა მცირე ნაწილში ვლინდება არასასურველი გავლენა კუნთებზე და იშვიათ შემთხვევებში შეიძლება განვითარდეს კუნთების სერიოზული დაზიანება — რაბდომიოლიზი.

სხვა შესაძლო გვერდითი მოვლენები

• თავის ტკივილი;
• კუჭის ტკივილი;
• შეკრულობა;
• ღებინება;
• კუნთების ტკივილი;
• თავბრუსხვევა.

უკუჩვენებები

როზუვასტატინი არ გამოიყენება:

• როზუვასტატინის ან პრეპარატის რომელიმე კომპონენტის მიმართ მომატებული მგრძნობელობის შემთხვევაში;
• ორსულობისა და ლაქტაციის პერიოდში;
• ღვიძლის ან თირკმლის მწვავე უკმარისობის დროს;
• კუნთების განმეორებითი ან უჩვეულო ტკივილის დროს;
• 70 წელზე მეტი ასაკის პაციენტებში;
• მწვავე რესპირატორული უკმარისობის დროს.

განსაკუთრებული მითითებები

ზოგიერთ პაციენტში სტატინებმა შეიძლება გავლენა მოახდინონ ღვიძლზე. ამის დადგენა შესაძლებელია სისხლის ანალიზით, რომლის საშუალებითაც განისაზღვრება ღვიძლის ფერმენტების დონე.

ამ მიზნით ექიმი, როგორც წესი, ატარებს შესაბამის სისხლის ანალიზს:

• ვაზუროტინით მკურნალობის დაწყებამდე;
• მკურნალობის მიმდინარეობის პერიოდში.

ურთიერთქმედება სხვა პრეპარატებთან

აუცილებელია ექიმს აცნობოთ ყველა იმ პრეპარატის შესახებ, რომელსაც იღებთ ან იღებდით, მათ შორის ურეცეპტოდ გასაცემი მედიკამენტების შესახებ.

განსაკუთრებული ყურადღებაა საჭირო შემდეგი პრეპარატების გამოყენებისას:

• ციკლოსპორინი;
• ვარფარინი;
• ფიბრატები;
• ქოლესტერინის შესამცირებელი სხვა პრეპარატები;
• საჭმლის მომნელებელი საშუალებები;
• ერითრომიცინი;
• შიგნით მისაღები კონტრაცეპტივები;
• ლოპინავირი;
• რიტონავირი;
• ჰორმონ-ჩანაცვლებითი თერაპიის საშუალებები.

ორსულობა და ლაქტაცია

ნებისმიერი პრეპარატის მიღებამდე რეკომენდებულია ექიმთან ან ფარმაცევტთან კონსულტაცია.

როზუვასტატინი:

• არ გამოიყენება ორსულობის პერიოდში;
• არ გამოიყენება ლაქტაციის პერიოდში.

როზუვასტატინით მკურნალობისას რეკომენდებულია შიგნით მისაღები კონტრაცეპტივების გამოყენება ორსულობის თავიდან აცილების მიზნით.

ჭარბი დოზირება

პრეპარატის ჭარბი დოზით მიღების შემთხვევაში დაუყოვნებლივ მიმართეთ ექიმს ან უახლოეს საავადმყოფოს.

შენახვის პირობები

• ინახება არაუმეტეს 25°C ტემპერატურაზე;
• მშრალ ადგილას;
• ბავშვებისთვის მიუწვდომელ ადგილას.

ვარგისიანობის ვადა

მითითებულია შეფუთვაზე.

აფთიაქიდან გაცემის პირობები

რეცეპტით.