ყველა კატეგორია
ალერტეკი ნაჩვენებია სეზონური და ქრონიკული ალერგიული რინიტის, ალერგიული კონიუქტივიტის, ქავილით მიმდინარე დერმატოზების, ჭინჭრის ციების დროს.
ალერტეკის გარსით დაფარული ერთი ტაბლეტი შეიცავს აქტიური ნივთიერების - ცეტირიზინის დიჰიდროქლორიდის 10 მგ-ს.
დამხმარე ნივთიერებები: ლაქტოზა, მიკროკრისტალური ცელულოზა, ნატრიუმის სახამებლის გლიკოლატი, მაგნიუმის სტეარატი, სილიციუმის დიოქსიდი.
პრეპარატის დანიშვნის უკუჩვენებაა ცეტირიზინისადმი მომატებული მგრძნობელობა, ორსულობისა და ლაქტაციის პერიოდი.
არ ახდენს გავლენას ფსიქიკურ და მოტორულ რეაქციებზე, მისი მიღება დასაშვებია ავტომობილის მართვისა და სხვა აქტიური სამუშაოს შესრულების დროს (დოზის მომატებისას საჭიროა სიფრთხილე).
ორსულობისა და ლაქტაციის პერიოდში პრეპარატის დანიშვნა უკუნაჩვენებია.
მკურნალობის დროს აუცილებელია ძუძუთი კვების შეწყვეტა.
პრეპარატი ინიშნება: მოზრდილებსა და 12 წელზე მეტი ასაკის ბავშვებში დღეში ერთხელ 1 ტაბლეტი (10 მგ) - დილას;
6-12 წლამდე ბავშვებში – 1 ტაბლეტი (10 მგ) ერთჯერადად დილას ან 1/2 ტაბლეტი (5 მგ) დღეში ორჯერ (დილას და საღამოს); 2-6 წლამდე ბავშვებში – 1/2 ტაბლეტი (5 მგ) ერთ მიღებაზე დილას ან 1/4 ტაბლეტი (2.5 მგ) დღეში ორჯერ (დილას და საღამოს);
თირკმლის უკმარისობის მქონე ავადმყოფებში საჭიროა დოზის განახევრება.
თირკმლის ნორმალური ფუნქციის მქონე ასაკოვანი პაციენტები დოზის კორექციას არ საჭიროებენ.
კუჭ-ნაწლავის ტრაქტის მხრივ: პირის ღრუს სიმშრალე, იშვიათად - საჭმლის მომნელებელი ტრაქტის დისფუნქცია;
ცნს-ის მხრივ: შესაძლებელია მცირედ გამოხატული და სწრაფად გარდამავალი ძილიანობა, თავის ტკივილი, თავბრუსხვევა, ერთეულ შემთხვევაში - აგზნებადობა;
ალერგიული რეაქციები: იშვიათად - კანზე გამონაყარი ან ანგიონევროზული შეშუპება.
გვერდითი მოვლენები ვითარდება იშვიათად და აქვს ტრანზიტორული ხასიათი.
პრეპარატის ვარგისობის ვადა - 4 წელი.
ინახება 10-25ოჩ ტემპერატურაზე, ბავშვებისათვის ხელმიუწვდომელ ადგილზე!
