​სოლგარი - ვიტამინი დ3+კალციუმის ციტრატი ტაბლეტი

შემადგენლობა:

​4 ტაბლეტი შეიცავს:
​D3 ვიტამინი (ქოლეკალციფეროლი) – 600სე
​კალციუმი (კალციუმის ციტრატი) – 1000მგ (1გ)
​დამატებითი ინგრედიენტები: მიკროკრისტალური ცელულოზა, მცენარეული ცელულოზა, სილიციუმი, მცენარეული მაგნიუმის სტეარატი, მცენარეული გლიცერინი, ტიტანის დიოქსიდი(მღებავი ნივთიერება).
​არ შეიცავს: წებოვანას, სახამებელს, რძის პროდუქტებს, სოიოს, შაქარს, საფუარს, სოდას, ხელოვნურ არომატიზატორებს, დამატკბობელს, მღებავ ნივთიერებებს და კონსერვანტებს.

​

​D3 ვიტამინი

​D3 ვიტამინი უზრუნველყოფს ორგანიზმში კალციუმის შეწოვას და ათვისებას. მისი ნაკლებობა იწვევს ძვლის მინერალიზაციის შემცირებას (ოსტეოპოროზი), ძვლის მოტეხილობას. D3 უზრუნველყოფს ნერვ-კუნთოვანი და იმუნური სისტემის ნორმალურ ფუნქციონირებას, ამაღლებს ორგანიზმის მდგრადობას ინფექციებისა და ვირუსებისადმი. ზრდის ორგანიზმში სეროტონინის დონეს. კალციუმი და D3 ვიტამინი ხელს უშლის პარათირეოიდული ჰორმონის ჰიპერსეკრეციას და ძვლის რეზორბციას (ძვლებიდან კალციუმის გამოდევნა).

​

​კალციუმი

​ორგანიზმში არსებული კალციუმის თითქმის 99% თავმოყრილია ძვლებსა და კბილებში. იგი D3-თან ერთად უზრუნველყოფს ნებისმიერ ასაკში ძვლოვანი სისტემის ჯანმრთელობის შენარჩუნებას. კალციუმი პასუხისმგებელია ძვლების მინერალიზაციასა და ჰორმონების პროდუქციაზე, რაც ხელს უწყობს კალციუმის და ფოსფორის ნორმალური დონის შენარჩუნებას ძვლებსა და სისხლის ნაკადში. კალციუმი ახდენს ენერგეტიკული ცვლისა და ნეიროტრანსმისიის ნორმალიზებას, ასევე წარმოადგენს სისხლის შედედების მარეგულირებელ კომპონენტს. კალციუმი ასტიმულირებს კალციტონინის გამოთავისუფლებას, რომელიც უზრუნველყოფს კალციუმის ტრანსპორტირებას სისხლიდან დაზიანებულ ძვლოვან ქსოვილში. კალციუმი D3-თან ერთად ხელს უწყობს ქალბატონებში პოსტმენოპაუზის დროს მინერალური ბალანსის შენარჩუნებას და ამცირებს ოსტეოპოროზის განვითარების რისკს. ხანგრძლივი დროის განმავლობაში კალციუმის დეფიციტი იწვევს რაქიტის და ოსტეომალაციის განვითარებას.კალციუმის დეფიციტი იწვევს კუნთების სპაზმს, რაც ქვედა კიდურების კრამპით ვლინდება.

​

ჩვენება:

• ​კალციუმის და D3 ვიტამინის დეფიციტის მკურნალობა და პროფილაქტიკა
• ​სხვადასხვა გენეზის ოსტეოპოროზის პროფილაქტიკა და მკურნალობა;
• ​სისტემური დაავადებების მკურნალობა და პროფილაქტიკა;
• ​ბავშვებსა და მოზარდებში ინტენსიური ზრდის პერიოდი;
• ​მოტეხილობების კომპლექსური მკურნალობა;
• ​ორსულობა და ლაქტაცია;
• ​მენოპაუზა და შემდგომი პერიოდი;
• ​კარიესის პროფილაქტიკა;
• ​ხანდაზმული ასაკი;
• ​კოფეინის და თამბაქოს ჭარბი მოხმარება.

​დოზირება:

მიიღება 4 ტაბლეტი დღეში საკვებთან ერთად.

​ორსულობის ან ლაქტაციის პერიოდში გამოყენებამდე კონსულტაციისთვის მიმართეთ ექიმს.

​

შენახვა:

შეინახეთ ოთახის ტემპერატურაზე, ბავშვებისთვის მიუწვდომელ ადგილას. არ გამოიყენოთ პრეპარატი თუ ბოთლის მთლიანობა დარღვეულია, ან თავსახური დაზიანებულია.