პრეპარატის მიღებამდე საჭიროა გამოყენების ინსტრუქციის ყურადღებით წაკითხვა, რადგან ის შეიცავს პაციენტისათვის მნიშვნელოვან ინფორმაციას.

შემადგენლობა: არიპიპრაზოლი ნორმონი 10მგ: აქტიური ნივთიერებაა არიპიპრაზოლი. თითოეული ტაბლეტი შეიცავს 10მგ არიპიპრაზოლს. სხვა დამხმარე ნივთიერებებია: ლაქტოზის მონოჰიდრატი, სიმინდის სახამებელი, მიკროკრისტალური ცელულოზა, ჰიდროქსიპროპილცელულოზა, მაგნიუმის სტეარატი, რკინის წითელი ოქსიდი (E-172).

ჩვენება: არიპიპრაზოლი ნორმონი შეიცავს აქტიურ ნივთიერებას არიპიპრაზოლს, რომელიც მიეკუთვნება ანტიფსიქოზური მედიკამენტების ჯგუფს. ის გამოიყენება მოზრდილებსა და 15 წლის და მეტი ასაკის ბავშვებში დაავადების სამკურნალოდ, რომელიც ხასიათდება ისეთი სიმპტომებით, როგორიცაა სმენითი, მხედველობითი ან შეგრძნებითი ჰალუცინაციები, ეჭვიანობა, მცდარი წარმოდგენები, დაუკავშირებელი მეტყველება და ქცევა და უემოციობა. ასეთი მდგომარეობის მქონე ადამიანები თავს გრძნობენ დეპრესიულად, დამნაშავედ, აგზნებულად ან დაძაბულად.
არიპიპრაზოლი ნორმონი გამოიყენება მოზრდილებისა და 13 წლის და მეტი ასაკის პაციენტების სამკურნალოდ, რომლებსაც აღენიშნებათ მდგომარეობა ისეთი სიმპტომებით, როგორიცაა: ამაღლებულ განწყობაზე ყოფნა, მოჭარბებული ენერგიის ქონა, ჩვეულებრივზე ნაკლების ძილის მოთხოვნილება, ძალიან სწრაფი საუბარი სწრაფი იდეებით და ზოგჯერ ძლიერი გაღიზიანებადობით. მოზრდილებში ის ასევე ახდენს იმ მდგომარეობის რეციდივის პრევენციას, რომელიც დაექვემდებარა არიპიპრაზოლი ნორმონით მკურნალობას.

უკუჩვენება: თუ პაციენტი ალერგიულია არიპიპრაზოლის ან მედიკამენტის შემადგენლობაში შემავალი სხვა რომელიმე ინგრედიენტის მიმართ.არიპიპრაზოლი ნორმონის მიღება საკვებთან და სასმელთან ერთად: მედიკამენტის მიღება შესაძლებელია როგორც საკვებთან ერთად, ისე მის გარეშე. არ არის რეკომენდებული ალკოჰოლის მიღება.

ფეხმძიმობა, ლაქტაცია და რეპროდუქციულ ფუნქციაზე გავლენა: ამ მედიკამენტის მიღებამდე მკურნალ ექიმს ან ფარმაცევტს უნდა ეცნობოს პაციენტის ორსულობის ან ლაქტაციის, შესაძლო დაორსულების ან მისი დაგეგმვის შესახებ.მიღების წესი: მედიკამენტის მიღება ყოველთვის უნდა მოხდეს ზუსტად ექიმის ან ფარმაცევტის დანიშნულების მიხედვით. თუ პაციენტი არ არის დარწმუნებული, უნდა მიმართოს მკურნალ ექიმს ან ფარმაცევტს.

რეკომენდებული დოზა მოზრდილებისათვის არის 15მგ ერთხელ დღეში. თუმცა, ექიმმა შეიძლება დანიშნოს უფრო დაბალი ან მაღალი დოზა, მაქსიმუმ 30მგ ერთხელ დღეში.

ბავშვებსა და მოზარდებში გამოყენება: მედიკამენტის მიღება უნდა დაიწყოს დაბალი დოზით შიგნით მისაღები ხსნარის (სითხის) სახით. დოზა შეიძლება თანდათანობით გაიზარდოს მოზარდების რეკომენდებულ დოზამდე-10მგ ერთხელ დღეში. თუმცა, ექიმმა შეიძლება დანიშნოს უფრო დაბალი ან მაღალი დოზა, მაქსიმუმ 30მგ ერთხელ დღეში.