პრობლემები საჭმლის მონელებასთან – რომელი მედიკამენტი დაგეხმარებათ?

საჭმლის მონელების დარღვევა მრავალი ფაქტორის შედეგი შეიძლება იყოს, მათ შორის:

​

• არასწორი კვება – ცხიმიანი, მძიმე, არასრულფასოვანი ან ძალიან დამუშავებული საკვები აფერხებს მონელების პროცესს.

• სტრესი და ცხოვრების არაჯანსაღი წესი – სტრესი გავლენას ახდენს საჭმლის მომნელებელ ფუქნციებზე, ამცირებს ფერმენტების გამოყოფას და ნაწლავების მოძრაობას.

• სითხის ნაკლებობა – არასაკმარისი წყლის მიღება შეიძლება შეკრულობის ერთ-ერთი მთავარი მიზეზი იყოს.

• ფიზიკური აქტივობის ნაკლებობა – სხეულის უმოძრაობა ან მჯდომარე ცხოვრების წესი ამცირებს ნაწლავების აქტივობას.

• საკვების მიმართ აუტანლობა – ზოგიერთი ადამიანი ვერ იტანს გარკვეულ პროდუქტებს, როგორიცაა ლაქტოზა ან გლუტენი, რაც იწვევს მონელების პრობლემებს.

ფერმენტული პრეპარატები– საჭმლის მონელების გასაუმჯობესებლად

თუ ორგანიზმს არ ჰყოფნის ფერმენტები, რომლებიც საკვების დაშლას უწყობენ ხელს, შესაძლოა საჭირო გახდეს მათი მიღება. შეგიძლიათ მიიღოთ პანკრეატინის შემცველი მედიკამენტები , რომლებიც ხელს უწყობენ ცხიმების, ცილების და ნახშირწყლების მონელებას. მეზიმ ფორტე - ერთ-ერთი ყველაზე გავრცელებული პრეპარატია, რომელიც ეხმარება კუჭ-ნაწლავს მძიმე საკვების მიღების შემდეგ. მიიღება 1-2 ტაბლეტი ჭამის წინ, დაუღეჭავად, წყლის მიყოლებით. ბავშვებში მედიკამენტი მიიღება ექიმის დანიშნულებით.

პრობიოტიკები– ნაწლავების მიკროფლორის გასაუმჯობესებლად

პრობიოტიკები შეიცავს სასარგებლო ბაქტერიებს, რომლებიც ხელს უწყობენ ნაწლავების ბალანსის აღდგენას და ჯანმრთელობას. ისინი განსაკუთრებით ეფექტურია დიარეის, შეკრულობისა და შებერილობის დროს. მათი წარმომადგენელია ლინექსი – ერთ-ერთი ყველაზე პოპულარული პრობიოტიკი, რომელიც ნაწლავების ბაქტერიულ ბალანსს არეგულირებს. ასევე ბიფლორაკი, რომელიც შეიცავს ბიფიდობაქტერიებს, აუმჯობესებენ მონელებას და აძლიერებენ იმუნურ სისტემას.

ანტაციდები– გულძმარვის და კუჭის მჟავიანობის წინააღმდეგ

მაღალი მჟავიანობა ხშირად იწვევს გულძმარვას, მუცლის ტკივილს და კუჭის გაღიზიანებას. ანტაციდები ამცირებენ მჟავიანობას და იცავენ კუჭის ლორწოვან გარსს. შეგიძლიათ მიიღოთ რენის ტაბლეტები, ის ხელს უწყობს კუჭის მჟავიანობის ნეიტრალიზებას და კუჭის ლორწოვანის დაცვას.

ლაქსატივები– შეკრულობის სამკურნალოდ

შეკრულობისას მნიშვნელოვანია ნაწლავების მოძრაობის სტიმულაცია. თუმცა, ლაქსატივების ხშირი მიღება არ არის რეკომენდებული. ლაქსატივების ჯგუფს წარმოადგენს დუფალაკი – რბილი მოქმედების საშუალებაა, რომელიც ნაწლავებში წყლის შეკავებას უწყობს ხელს და განავლის დარბილებას იწვევს.

საჭმლის მონელების პრობლემები სხვადასხვა მიზეზით შეიძლება განვითარდეს, მათ შორის არასწორი კვება, სტრესი, ჰორმონალური დისბალანსი და სხვა. თუმცა, მათი მართვა შესაძლებელია ცხოვრების წესის შეცვლით, ჯანსაღი და ბალანსირებული კვებით, რეგულარული ფიზიკური აქტივობითა და საჭიროების შემთხვევაში, შესაბამისი მედიკამენტების მიღებით. თუ გაწუხებთ მონელების პრობლემები, მნიშვნელოვანია ყურადღება მიაქციოთ ორგანიზმის სიგნალებს და დროულად მიმართოთ სპეციალისტს, რათა იპოვოთ ოპტიმალური გამოსავალი. ფარმადეპოს საიტზე შეგიძლიათ შეიძინოთ ყველა საჭირო პრეპარატი, რომელიც ხელს შეუწყობს თქვენი კუჭ-ნაწლავის სისტემის ჯანმრთელობას და დაგეხმარებათ ცხოვრების ხარისხის გაუმჯობესებაში.