არკოქსია (ARCOXIA)

მოქმედი ნივთიერება: ეტორიკოქსიბიკლინიკურ-ფარმაკოლოგიური ჯგუფი: არასტეროიდული ანთების საწინააღმდეგო საშუალება (აასს)

შემადგენლობა და გამოშვების ფორმა

გარსით დაფარული ტაბლეტები:

• 60 მგ — მწვანე ფერის;

• 90 მგ — თეთრი ფერის;

• 120 მგ — ღია მწვანე ფერის.

ფარმაკოდინამიკა

არასტეროიდული ანთების საწინააღმდეგო საშუალება. ეტორიკოქსიბი წარმოადგენს ციკლოოქსიგენაზა-2-ის (ცოგ-2) სელექციურ ინჰიბიტორს.

• მოქმედება: თერაპიულ კონცენტრაციებში აბლოკირებს პროსტაგლანდინების წარმოქმნას. ხასიათდება ანთების საწინააღმდეგო, ანალგეზიური და სიცხის დამწევი მოქმედებით.

• თავისებურება: სელექციური დათრგუნვის გამო მცირდება ანთებითი სიმპტომები, ისე, რომ არ აღინიშნება გავლენა თრომბოციტებზე და კუჭ-ნაწლავის ტრაქტის ლორწოვანზე.

• დოზირება: დღეღამური 150 მგ-მდე დოზით გამოყენებისას არ ახდენს გავლენას ცოგ-1-ზე. პრეპარატი გავლენას არ ახდენს კუჭის ლორწოვან გარსში პროსტაგლანდინების გამომუშავებაზე და სისხლდენის დროზე. ჩატარებულ გამოკვლევებში არ აღინიშნა არაქიდონის მჟავის დონის და კოლაგენით გამოწვეული თრომბოციტების აგრეგაციის შემცირება.

უკუჩვენებები

• პრეპარატის რომელიმე კომპონენტის მიმართ მომატებული მგრძნობელობა;

• სრული ან არასრული შეთანწყობა ბრონქულ ასთმასთან, ცხვირის რეციდიული პოლიპოზი;

• აცეტილსალიცილის მჟავის ან სხვა არასტეროიდული ანთების საწინააღმდეგო საშუალებების აუტანლობა (მათ შორის ანამნეზში);

• კუჭისა და 12-გოჯა ნაწლავის ეროზიულ-წყლულოვანი დაზიანება, კუჭ-ნაწლავიდან აქტიური სისხლდენა;

• ცერებროვასკულარული ან სხვა სახის სისხლდენა;

• ნაწლავის ანთებითი დაავადებები (კრონის დაავადება, არასპეციფიური წყლულოვანი კოლიტი) გამწვავების ფაზაში;

• ჰემოფილია და სხვა სახის სისხლის შედედების დარღვევა;

• გულის გამოხატული უკმარისობა (NYHA II-IV);

• ღვიძლის გამოხატული უკმარისობა (9 ბალზე მეტი CHILD-PUGH-ის შკალის მიხედვით) ან ღვიძლის აქტიური დაავადება;

• თირკმლის გამოხატული უკმარისობა (კრეატინინის კლირენსი <30 მლ/წთ), თირკმელების პროგრესირებადი დაავადება;

• დადასტურებული ჰიპერკალიემია;

• აორტოკორონარული შუნტირების შემდგომი პერიოდი;

• პერიფერიული არტერიების დაავადება, ცერებროვასკულური დაავადება;

• კლინიკურად გამოხატული გულის იშემიური დაავადება;

• მყარი არტერიული ჰიპერტენზია (140/90 მმ.ვწყ.სვ-ზე მეტი არაკონტროლირებადი ჰიპერტენზია);

• ორსულობა და ლაქტაცია;

• 16 წლამდე ბავშვთა ასაკი.

განსაკუთრებული მითითება

პრეპარატმა შეიძლება უარყოფითი გავლენა მოახდინოს ქალების ფერტილობაზე და ამიტომ არ არის რეკომენდებული ქალებში, რომლებიც გეგმავენ ორსულობას.