შემადგენლობა
1 ამპულა შეიცავს:
აქტიური სუბსტანციები: მეტალური ვერცხლის პრეპარატის (Argentum metallicum praeparatum) ხსნარი D30 0,5 გ / ექინაცეას (Echinacea angustifolia) მთელი მცენარის Rh ხსნარი D6 (HAB, V, 21) 0,5 გ – ბოლო საფეხური ერთობლივად პოტენცირებული.
იზოტონიზირებულია ნატრიუმის ქლორიდის ხსნარით.

ჩვენებები
მწვავე ანთებითი და სიცხით მიმდინარე დაავადებები; ორგანიზმის იმუნური სისტემის გააქტიურება.

მიღების წესები და დოზები
კანქვეშა ინიექცია, როგორც წესი, კეთდება ბარძაყზე ან მკლავის გარე ზედაპირზე, აგრეთვე მუცლის არეში.
ერთჯერადი დოზა: ჩვილები: 0,3 მლ; 1-დან 5 წლამდე ასაკის ბავშვები: 0,5 მლ; 6-დან 9 წლამდე ასაკის ბავშვები: 0,8 მლ; მოზარდები 10 წლის ასაკს ზევით: 1 მლ.
სადღეღამისო დოზა: მწვავე ფაზაში, რომელიც ჩვეულებრივ 2-4 დღე გრძელდება, ერთჯერადი დოზა 1-2-ჯერ კანქვეშ.
2-4 დღის შემდეგ 2-3-ჯერ კვირაში სრულ განკურნებამდე.
ექიმის რჩევის გარეშე 3 კვირაზე მეტ ხანს არ გამოიყენოთ.