საერთაშორისო დასახელება - prenoxdiazine
კლინიკურ-ფარმაკოლოგიური ჯგუფი: პულმონოლოგია → მუკოლიზური და ხველის საწინააღმდეგო საშუალებები → ხველის საწინააღმდეგო საშუალებები
შემადგენლობა
მოქმედი ნივთიერება: პრენოქსდიაზინის ჰიდროქლორიდი – 100 მგ.
დამხმარე ნივთიერებები: გლიცეროლი (გლიცერინი), მაგნიუმის სტეარატი, ტალკი, პოვიდონი, სიმინდის სახამებელი, ლაქტოზის მონოჰიდრატი.
აღწერა: თეთრი ან თითქმის თეთრი ფერის მრგვალი ბრტყელი ტაბლეტები ჩამოჭრილი კიდეებით ორივე მხარეს. ერთ მხარეს გრავირება “LIBEXIN”, მეორე მხარეს გამყოფი ხაზი, რომელიც ტაბლეტს ყოფს ოთხ ნაწილად.
ფარმაკოთერაპიული ჯგუფი: პერიფერიული მოქმედების ხველის საწინააღმდეგო საშუალება.

გამოყენების ჩვენება
ნებისმიერი წარმოშობის არაპროდუქტიული ხველა (ზედა სასუნთქი გზების კატარის, გრიპის, მწვავე და ქრონიკული ბრონქიტის, პნევმონიის, ემფიზემის დროს; ღამის ხველის დროს ავადმყოფებში გულის უკმარისობით; პაციენტების მომზადებისას ბრონქოსკოპული ან ბრონქოგრაფიული გამოკვლევისთვის).

უკუჩვენება
• მომატებული მგრძნობელობა პრენოქსდიაზინის ან პრპარატის სხვა კომპონენტების მიმართ.
• მდგომარეობები, რომლებიც მიმდინარეობს გაძლიერებული ბრონქული სეკრეციით.
• ოპერაციის შემდგომი მდგომარეობები (ინჰალაციური ნარკოზის შემდეგ).
• პრეპარატი შეიცავს ლაქტოზას. არ შეიძლება მოცემული პრეპარატის მიღება ისეთი მემკვიდრეობითი დაავადებების მქონე პაციენტებისთვის, როგორიცაა გალაქტოზის აუტანლობა, ლაქტაზის დეფიციტი ან გლუკოზა-გალაქტოზის მალაბსორბცია.
• 1 წლამდე ბავშვთა ასაკი.

გამოყენების წესი და დოზები
ტაბლეტები მიიღება დაუღეჭავად (პირის ღრუს ლორწოვანი გარსის ანესთეზიის თავიდან ასაცილებლად).
მოზრდილები:
100 მგ (1 ტაბლეტი) 3-4 ჯერ დღე-ღამეში.
უფრო მძიმე შემთხვევებში შეიძლება დოზის გაზრდა:
200 მგ-მდე (2 ტაბლეტი) 3-4 ჯერ დღე-ღამეში ან
300 მგ-მდე (3 ტაბლეტი) 3 ჯერ დღე-ღამეში.
ბავშვები 1-დან 6 წლამდე ან 10-20 კგ სხეულის მასით*:
50 მგ (1/2 ტაბლეტი) 3 ჯერ დღე-ღამეში.
ბავშვები 6-დან 14 წლამდე ან 20 კგ-ზე მეტი სხეულის მასით*:
50 მგ (1/2 ტაბლეტი) 3-4 ჯერ დღე-ღამეში.
* პაციენტის ასაკისა და სხეულის მასის შესაბამისად რეკომენდებული დოზა პროპორციულად ნაკლებია: 1/4-დან 1/2 ტაბლეტი 3-4 ჯერ დღე-ღამეში (25-50 მგ 3-4 ჯერ დღე-ღამეში).
მაქსიმალური ერთჯერადი დოზა:
ბავშვებისთვის - 50 მგ (1/2 ტაბლეტი),
მოზრდილებისთვის - 300 მგ (3 ტაბლეტი).
დღე-ღამის მაქსიმალური დოზა:
ბავშვებისთვის - 200 მგ (2 ტაბლეტი),
მოზრდილებისთვის - 900 მგ (9 ტაბლეტი).
ბრონქოსკოპიისთვის მომზადებისას დოზა 0.9-3.8 მგ/სხეულის მასის კგ-ზე ინიშნება 0.5-1 მგ ატროპინთან კომბინაციაში პროცედურის დაწყებამდე 1 საათით ადრე.

განსაკუთრებული მითითებები
პრეპარატი შეიძლება იწვევდეს ჩივილებს კუჭ-ნაწლავის ტრაქტის მხრივ ლაქტოზის აუტანლობის მქონე პაციენტებში, რადგან ტაბლეტები შეიცავს ლაქტოზას (0,38 მგ ლაქტოზას თითო ტაბლეტში).
პრეპარატის ზემოქმედება სატრანსპორტო საშუალებების მართვის და მექანიზმებთან მუშაობის უნარზე
პრეპარატის მაღალი დოზების მიღებამ შეიძლება დააქვეითოს ყურადღება. შედეგად, შესაძლებელია ზემოქმედება სატრანსპორტო საშუალებების მართვის და მექანიზმებთან მუშაობის უნარზე.