შემადგენლობა: ასკილის ნაყოფები შეიცავს ორგანულ მჟავებს, ფლავონოიდებს, კაროტინოიდებს, პექტინოვან და მთრიმლავ ნივთიერებებს, B, P, K, C ვიტამინებს.
ფარმაკოთერაპიული ჯგუფი: მცენარეული წარმოშობის პოლივიტამინური საშუალება.
ჩვენებები: გამოიყენება როგორც დამხმარე საშუალება ორგანიზმში C ვიტამინის ნაკლებობის დროს, ათეროსკლეროზის, ჰიპერტონული დაავადებების, კუჭისა და თორმეტგოჯა ნაწლავის წყლულოვანი დაავადებების სამკურნალოდ და სხვა.
დოზირება და მიღების წესი: დაახლოებით 10 გ (1 სუფრის კოვზი) ნედლეულს უნდა დაესხას 200 მლ (1 ჩაის ჭიქა) მდუღარე წყალი და ადუღდეს წყლის აბაზანაზე 15 წუთის განმავლობაში. შემდეგ უნდა გაცივდეს, გაიფილტროს და დარჩენილი მასა გაიწუროს. მიღებულ ნაყენს უნდა დაემატოს ანადუღარი წყალი საწყისი მოცულობის (200 მლ) მიღებამდე. მიიღება ნახევარი ჭიქა 3-ჯერ დღეში, ჭამის შემდეგ.
გვერდითი მოვლენები: შესაძლებელია განვითარდეს ალერგიული რეაქციები.
უკუჩვენებები: მომატებული მგრძნობელობა მცენარის მიმართ. ნაღვლის ბუშტის ქვები.
ურთიერთქმედება სხვა პრეპარატებთან: დასაშვებია გამოყენება სხვა პრეპარატებთან ერთად კომპლექსურ თერაპიაში.
ორსულობა და ლაქტაცია: გამოყენება ორსულობის და ლაქტაციის პერიოდში დასაშვებია.
მანქანისა და სხვა მექანიზმების მართვა: არ ახდენს ზეგავლენას.
ჭარბი დოზირება: არ დაფიქსირებულა.
გარეგნული სახე და შეფუთვა: 100 გ მცენარეული ნედლეული მოთავსებულია პოლიეთილენის პარკში და მუყაოს კოლოფში. 2,5 გ დაფასოებულია ერთჯერადი გამოყენების ფილტრ-პაკეტებში. #20 ფილტრ-პაკეტი მოთავსებულია მუყაოს კოლოფში.
შენახვის პირობები: ინახება ოთახის ტემპერატურის პირობებში, მშრალ და სინათლისგან დაცულ ადგილას.
