რემაქსოლი
REMAXOL®
სავაჭრო დასახელება: რემაქსოლი (REMAXOL®)
ჯგუფური დასახელება: ინოზინი+მეგლუმინი+მეთიონინი+ნიკოტინამიდი+ქარვის მჟავა
სამკურნალწამლო ფორმა: საინფუზიო ხსნარი

შემადგენლობა:
მომქმედი ნივთიერებები: ქარვის მჟავა - 5,280 გ; მეგლუმინი (N-მეთილგლუკამინი) -8,725გ; ინოზინი (რიბოქსინი) - 2,0 გ; მეთიონინი - 0,75 გ, ნიკოტინამიდი- 0,25 გ.
დამხმარე ნივთიერებები: ნატრიუმის ქლორიდი - 6.0 გ; კალიუმის ქოლორიდი - 0,30 გ; მაგნიუმის ქლორიდის ჰექსაჰიდრატი (უწყლოზე გადათვლით) - 0,12 გ; ნატრიუმის ჰიდროქსიდი - 1,788 გ; საინექციო წყალი 1,0 ლ-მდე.
აღწერილობა: გამჭირვალე, უფერო სითხე, სუსტი დამახასიათებელი სუნით.
ფარმაკო თერაპიული ჯგუფი: მეტაბოლური საშუალება.

ჩვენება
ღვიძლის ფუნქციის დარღვევა მისი მწვავე ან ქრონიკული დაზიანების შემთხვევაში (ტოქსიკური, ალკოჰოლური, წამლისმიერი ჰეპატიტები).
ვირუსული ჰეპატიტების კომპლექსურ მკურნალობაში (დამატების სახით ეტიოტროპულ თერაპიასთან).

უკუჩვენება
პრეპარატის კომპონენტების ინდივიდუალური აუტანლობა, ორსულობა, ლაქტაციის პერიოდი, ბავშვთა ასაკი.
სიფრთხილით
ნეფროლითიაზი, პოდაგრა, ჰიპერურიკემია.

გამოყენების მეთოდი და დოზები
რემაქსოლი შეყავთ მხოლოდ ინტრავენურად, წვეთოვნად, დღიური დოზით 400-800 მლ-მდე 3-12 დღის განმავლობაში, დაავადების სიმძიმიდან გამომდინარე. შეყვანის სისწრაფე - 40-60 წვეთი (2-3 მლ) წუთში.

გვერდითი მოქმედება
ხსნარის სწრაფი შეყვანისას შესაძლებელია არასასურველი რეაქციების გამოვლენა (კანის საფარის სხვადასხვა ხარისხით გამოხატული ჰიპერემია, სიცხის შეგრძნება, ყელში ღიტინი, პირის სიმშრალე), რაც არ მოითხოვს პრეპარატის მოხსნას.
შესაძლებელია ალერგიული რეაქციები, ალერგიული გამონაყარის და კანის ქავილის სახით, რომლებიც იხსნება ანტიჰისტამინური პრეპარატების მიღებით.
იშვიათ არასასურველ რეაქციებს მიეკუთვნება გულისრევის, თავის ტკივილის და თავბრუსხვევის გამოვლენა.
ორგანიზმში პრეპარატის მიერ აერობული პროცესების აქტივაციის გამო შესაძლებელია გლუკოზის კონცენტრაციის დაქვეითება და სისხლში შარდოვანას კონცენტრაციის მომატება.

დოზის გადაჭარბება
ცნობები პრეპარატის დოზის გადაჭარბების შესახებ არ არსებობს.
ურთიერთქმედება სხვა სამკურნალო საშუალებებთან
რეკომენდირებული არ არის ინტრავენურად გამოსაყენებელ სხვა სამკურნალო საშუალებებთან ერთად ერთ ფლაკონში შერევა.