1 ტაბლეტი შეიცავს აქტიურ ნივთიერებას: ამისულპრიდს 200 მგ; დამხმარე ნივთიერებები: ლაქტოზას მონოჰიდრატი, მიკროკრისტალური ცელულოზა, ჰიდროქსიპროპილ მეთილცელულოზა, ნატრიუმის კროსკარმელოზა, უწყლო კოლოიდური სილიციუმის დიოქსიდი, მაგნიუმის სტეარატი.
გამოყენების ჩვენებები: შიზოფრენიის მკურნალობა.
გამოყენების მეთოდი და დოზები. პრეპარატი მიიღება პერორალურად. თუ სადღეღამისო დოზა არ აღემატება 400 მგ-ს, პრეპარატ სოლერონის მიღება უნდა მოხდეს დღეში ერთხელ. 400 მგ-ზე მეტი დოზა უნდა დაიყოს 2 მიღებად დღეში.
უკუჩვენებები: - ჰიპერმგრძნობელობა აქტიური ნივთიერების ან პრეპარატის რომელიმე კომპონენტის მიმართ. - არტერიული ჰიპერტენზიის სერიოზული ეპიზოდები აღინიშნა ფეოქრომოციტომის მქონე პაციენტებში, რომლებიც მკურნალობდნენ ანტიდოპამინერგული საშუალებებით, მათ შორის ზოგიერთი ბენზამიდით. ამასთან დაკავშირებით, ეს პრეპარატი არ უნდა დაინიშნოს პაციენტებში დიაგნოსტირებული ან საეჭვო ფეოქრომოციტომით. - ბავშვები სქესობრივი მომწიფების პერიოდამდე. - დიაგნოსტირებული ან საეჭვო პროლაქტინდამოკიდებული სიმსივნეები (მაგალითად, ჰიპოფიზის პროლაქტინომა და სარძევე ჯირკვლის კიბო (იხ. ნაწილი "გამოყენების თავისებურებები და სიფრთხილის ზომები" და "გვერდითი რეაქციები"). - ციტალოპრამთან, ესციტალოპრამთან, დომპერიდონთან, ჰიდროქსიზინთან, პიპერაქინთან, არაანტიპარკინსონურ დოფამინერგულ საშუალებებთან (კაბერგოლინი, ქინაგოლიდი) კომბინაციაში (იხ. ნაწილი "ურთიერთქმედება სხვა სამკურნალო საშუალებებთან და სხვა სახის ურთიერთქმედებები").
შენახვის პირობები: შეინახეთ ბავშვებისთვის ხელმიუწვდომელ ადგილას, ორიგინალ შეფუთვაში ტემპერატურაზე არაუმეტეს 25˚С.
