შემადგენლობა: აქტიური ნივთიერება:თითოეული ამპულა (2მლ) შეიცავს 80მგ დეპროტეინირებულ ხბოს სისხლის შრატს (მშრალი მასა). დამხმარე ნივთიერებები: საინექციო წყალი (Ph.Eur) და PH-ის მარეგულირებელი ჰიდროქლორის მჟავას ხსნარი (Ph.Eur).
ჩვენება: ცენტრალური ნერვული სისტემის მეტაბოლური და სისხლის მიმოქცევის დარღვევები: ქრონიკული ცერებრალური იშემია, იშემიური ინსულტი, თავის ქალასა და ტვინის დაზიანება; პერიფერიული არტერიული და ვენური სისხლის მიმოქცევის დარღვევის და მათ მიერ გამოწვეული დაავადებების მკურნალობა; კანის ტრანსპლანტაცია; ჭრილობის შეხორცების დაჩქარება: სხვადასხვა წარმოშობის წყლულების დროს (დამწვრობა, დაფუფქვა, ეროზიები), ტროფიკული დაზიანებები (წყლულები); დასხივების შედეგად განვითარებული კანისა და ლორწოვანის დაზიანება;
უკუჩვენება: მომატებული მგრძნობელობა დეპროტეინირებული მშრალი სისხლის შრატის ან პრეპარატის შემადგენელობაში შემავალი სხვა ნივთიერების მიმართ.
ორსულობა და ლაქტაციის პერიოდი: ექიმის დანიშნულების გარეშე არ არის რეკომენდებული პრეპარატის მიღება ორსულობის და ლაქტაციის პერიოდში.
მიღების წესი და დოზირება: აქტოვეგინის საინექციო ხსნარი შეყავთ ინტრავენურად, კუნთში ან ინტრაარტერიულად, ასევე ინფუზიის სახით. ინფუზიის სახით: მედიკამენტის 10-50მლ უნდა გაიხსნას 200-300მლ ტუტე ხსნარში (იზოტონური ნატრიუმის ქლორიდის ხსნარი ან 5% გლუკოზის ხსნარი). ინფუზიის სიჩქარე: 2მლწთ. ცერებრალური სისხლის მიმოქცევისა და კვების დარღვევები: საწყისი დოზა არის 10მლ ინტრავენურად ერთხელ დღეში, მკურნალობის ხანგრძლივობა 2 კვირა. ამის შემდეგ 5-დან 10მლ-მდე ინტრავენურად რამდენიმეჯერ კვირაში, მკურნალობა უნდა გაგრძელდეს 4 კვირა. იშემიური ინსულტი: 20-50მლ გახსნილი 200-300მლ ტუტე ხსნარში ინტრაარტერიულად ან ინტრავენური ინექციის სახით ერთხელ დღეში ან რამოდენიმეჯერ კვირაში. მკურნალობის ხანგრძლივობა დაახლოებით 2-3კვირა. არტერიული ანგიოპათია: 20-50მლ გახსნილი ტუტე ხსნარში ინტრაარტერიული ან ინტრავენური ინექციის სახით ერთხელ დღეში ან რამოდენიმეჯერ კვირაში. მკურნალობის ხანგრძლივობა დაახლოებით 4 კვირა. ფეხის წყლულები და სხვა ძნელად შეხორცებადი წყლულები, დამწვრობა: 10მლ ინტარვენურად ან 5მლ კუნთში ერთხელ დღეში ან რამოდენიმეჯერ კვირაში, აღდგენის პროცესის შესაბამისად, ადგილობრივად გამოსაყენებელ აქტოვეგინთან ერთად. სხივური თერაპიის შედეგად განვითარებული კანისა და ლორწოვანის დაზიანების პრევენცია: საშუალოდ 5მლ ინტრავენურად დღეში, სხივური თერაპიის პროცედურებს შორის. სხივური თერაპიის შედეგად განვითარებული ცისტიტი: 10მლ დღეში შარდსადენში, ანტიბიოტიკურ თერაპიასთან ერთად კომბინაციაში.
